ઋગ્વેદ · અધ્યાય 10.101

ઉદ્ બુધ્યધ્વં સમનસઃ સખાયઃ સમ્ અગ્નિમ્ ઇન્ધ્વમ્ બહવઃ સનીળાઃ ।
દધિક્રામ્ અગ્નિમ્ ઉષસં ચ દેવીમ્ ઇન્દ્રાવતો ઽવસે નિ હ્વયે વઃ ॥

મન્દ્રા કૃણુધ્વં ધિય આ તનુધ્વં નાવમ્ અરિત્રપરણીં કૃણુધ્વમ્ ।
ઇષ્કૃણુધ્વમ્ આયુધારં કૃણુધ્વમ્ પ્રાઞ્ચં યજ્ઞમ્ પ્ર ણયતા સખાયઃ ॥

યુનક્ત સીરા વિ યુગા તનુધ્વં કૃતે યોનૌ વપતેહ બીજમ્ ।
ગિરા ચ શ્રુષ્ટિઃ સભરા અસન્ નો નેદીય ઇત્ સૃણ્યઃ પક્વમ્ એયાત્ ॥

સીરા યુઞ્જન્તિ કવયો યુગા વિ તન્વતે પૃથક્ ।
ધીરા દેવેષુ સુમ્નયા ॥

નિર્ આહાવાન્ કૃણોતન સં વરત્રા દધાતન ।
સિઞ્ચામહા અવતમ્ ઉદ્રિણં વયં સુષેકમ્ અનુપક્ષિતમ્ ॥

ઇષ્કૃતાહાવમ્ અવતં સુવરત્રં સુષેચનમ્ ।
ઉદ્રિણં સિઞ્ચે અક્ષિતમ્ ॥

પ્રીણીતાશ્વાન્ હિતં જયાથ સ્વસ્તિવાહં રથમ્ ઇત્ કૃણુધ્વમ્ ।
દ્રોણાહાવમ્ અવતમ્ અશ્મચક્રમ્ અંસત્રકોશં સિઞ્ચતા નૃપાણમ્ ॥

વ્રજં કૃણુધ્વં સ હિ વો નૃપાણો વર્મ સીવ્યધ્વમ્ બહુલા પૃથૂનિ ।
પુરઃ કૃણુધ્વમ્ આયસીર્ અધૃષ્ટા મા વઃ સુસ્રોચ્ ચમસો દૃંહતા તમ્ ॥

આ વો ધિયં યજ્ઞિયાં વર્ત ઊતયે દેવા દેવીં યજતાં યજ્ઞિયામ્ ઇહ ।
સા નો દુહીયદ્ યવસેવ ગત્વી સહસ્રધારા પયસા મહી ગૌઃ ॥

આ તૂ ષિઞ્ચ હરિમ્ ઈં દ્રોર્ ઉપસ્થે વાશીભિસ્ તક્ષતાશ્મન્મયીભિઃ ।
પરિ ષ્વજધ્વં દશ કક્ષ્યાભિર્ ઉભે ધુરૌ પ્રતિ વહ્નિં યુનક્ત ॥

ઉભે ધુરૌ વહ્નિર્ આપિબ્દમાનો ઽન્તર્ યોનેવ ચરતિ દ્વિજાનિઃ ।
વનસ્પતિં વન આસ્થાપયધ્વં નિ ષૂ દધિધ્વમ્ અખનન્ત ઉત્સમ્ ॥

કપૃન્ નરઃ કપૃથમ્ ઉદ્ દધાતન ચોદયત ખુદત વાજસાતયે ।
નિષ્ટિગ્ર્યઃ પુત્રમ્ આ ચ્યાવયોતય ઇન્દ્રં સબાધ ઇહ સોમપીતયે ॥