ઋગ્વેદ · અધ્યાય 10.100

ઇન્દ્ર દૃહ્ય મઘવન્ ત્વાવદ્ ઇદ્ ભુજ ઇહ સ્તુતઃ સુતપા બોધિ નો વૃધે ।
દેવેભિર્ નઃ સવિતા પ્રાવતુ શ્રુતમ્ આ સર્વતાતિમ્ અદિતિં વૃણીમહે ॥

ભરાય સુ ભરત ભાગમ્ ઋત્વિયમ્ પ્ર વાયવે શુચિપે ક્રન્દદિષ્ટયે ।
ગૌરસ્ય યઃ પયસઃ પીતિમ્ આનશ આ સર્વતાતિમ્ અદિતિં વૃણીમહે ॥

આ નો દેવઃ સવિતા સાવિષદ્ વય ઋજૂયતે યજમાનાય સુન્વતે ।
યથા દેવાન્ પ્રતિભૂષેમ પાકવદ્ આ સર્વતાતિમ્ અદિતિં વૃણીમહે ॥

ઇન્દ્રો અસ્મે સુમના અસ્તુ વિશ્વહા રાજા સોમઃ સુવિતસ્યાધ્ય્ એતુ નઃ ।
યથા-યથા મિત્રધિતાનિ સંદધુર્ આ સર્વતાતિમ્ અદિતિં વૃણીમહે ॥

ઇન્દ્ર ઉક્થેન શવસા પરુર્ દધે બૃહસ્પતે પ્રતરીતાસ્ય્ આયુષઃ ।
યજ્ઞો મનુઃ પ્રમતિર્ નઃ પિતા હિ કમ્ આ સર્વતાતિમ્ અદિતિં વૃણીમહે ॥

ઇન્દ્રસ્ય નુ સુકૃતં દૈવ્યં સહો ઽગ્નિર્ ગૃહે જરિતા મેધિરઃ કવિઃ ।
યજ્ઞશ્ ચ ભૂદ્ વિદથે ચારુર્ અન્તમ આ સર્વતાતિમ્ અદિતિં વૃણીમહે ॥

ન વો ગુહા ચકૃમ ભૂરિ દુષ્કૃતં નાવિષ્ટ્યં વસવો દેવહેળનમ્ ।
માકિર્ નો દેવા અનૃતસ્ય વર્પસ આ સર્વતાતિમ્ અદિતિં વૃણીમહે ॥

અપામીવાં સવિતા સાવિષન્ ન્ય1ગ્ વરીય ઇદ્ અપ સેધન્ત્વ્ અદ્રયઃ ।
ગ્રાવા યત્ર મધુષુદ્ ઉચ્યતે બૃહદ્ આ સર્વતાતિમ્ અદિતિં વૃણીમહે ॥

ઊર્ધ્વો ગ્રાવા વસવો ઽસ્તુ સોતરિ વિશ્વા દ્વેષાંસિ સનુતર્ યુયોત ।
સ નો દેવઃ સવિતા પાયુર્ ઈડ્ય આ સર્વતાતિમ્ અદિતિં વૃણીમહે ॥

ઊર્જં ગાવો યવસે પીવો અત્તન ઋતસ્ય યાઃ સદને કોશે અઙ્ગ્ધ્વે ।
તનૂર્ એવ તન્વો અસ્તુ ભેષજમ્ આ સર્વતાતિમ્ અદિતિં વૃણીમહે ॥

ક્રતુપ્રાવા જરિતા શશ્વતામ્ અવ ઇન્દ્ર ઇદ્ ભદ્રા પ્રમતિઃ સુતાવતામ્ ।
પૂર્ણમ્ ઊધર્ દિવ્યં યસ્ય સિક્તય આ સર્વતાતિમ્ અદિતિં વૃણીમહે ॥

ચિત્રસ્ તે ભાનુઃ ક્રતુપ્રા અભિષ્ટિઃ સન્તિ સ્પૃધો જરણિપ્રા અધૃષ્ટાઃ ।
રજિષ્ઠયા રજ્યા પશ્વ આ ગોસ્ તૂતૂર્ષતિ પર્ય્ અગ્રં દુવસ્યુઃ ॥