ઋગ્વેદ · અધ્યાય 10.098

બૃહસ્પતે પ્રતિ મે દેવતામ્ ઇહિ મિત્રો વા યદ્ વરુણો વાસિ પૂષા ।
આદિત્યૈર્ વા યદ્ વસુભિર્ મરુત્વાન્ સ પર્જન્યં શંતનવે વૃષાય ॥

આ દેવો દૂતો અજિરશ્ ચિકિત્વાન્ ત્વદ્ દેવાપે અભિ મામ્ અગચ્છત્ ।
પ્રતીચીનઃ પ્રતિ મામ્ આ વવૃત્સ્વ દધામિ તે દ્યુમતીં વાચમ્ આસન્ ॥

અસ્મે ધેહિ દ્યુમતીં વાચમ્ આસન્ બૃહસ્પતે અનમીવામ્ ઇષિરામ્ ।
યયા વૃષ્ટિં શંતનવે વનાવ દિવો દ્રપ્સો મધુમાઁ આ વિવેશ ॥

આ નો દ્રપ્સા મધુમન્તો વિશન્ત્વ્ ઇન્દ્ર દેહ્ય્ અધિરથં સહસ્રમ્ ।
નિ ષીદ હોત્રમ્ ઋતુથા યજસ્વ દેવાન્ દેવાપે હવિષા સપર્ય ॥

આર્ષ્ટિષેણો હોત્રમ્ ઋષિર્ નિષીદન્ દેવાપિર્ દેવસુમતિં ચિકિત્વાન્ ।
સ ઉત્તરસ્માદ્ અધરં સમુદ્રમ્ અપો દિવ્યા અસૃજદ્ વર્ષ્યા અભિ ॥

અસ્મિન્ સમુદ્રે અધ્ય્ ઉત્તરસ્મિન્ન્ આપો દેવેભિર્ નિવૃતા અતિષ્ઠન્ ।
તા અદ્રવન્ન્ આર્ષ્ટિષેણેન સૃષ્ટા દેવાપિના પ્રેષિતા મૃક્ષિણીષુ ॥

યદ્ દેવાપિઃ શંતનવે પુરોહિતો હોત્રાય વૃતઃ કૃપયન્ન્ અદીધેત્ ।
દેવશ્રુતં વૃષ્ટિવનિં રરાણો બૃહસ્પતિર્ વાચમ્ અસ્મા અયચ્છત્ ॥

યં ત્વા દેવાપિઃ શુશુચાનો અગ્ન આર્ષ્ટિષેણો મનુષ્યઃ સમીધે ।
વિશ્વેભિર્ દેવૈર્ અનુમદ્યમાનઃ પ્ર પર્જન્યમ્ ઈરયા વૃષ્ટિમન્તમ્ ॥

ત્વામ્ પૂર્વ ઋષયો ગીર્ભિર્ આયન્ ત્વામ્ અધ્વરેષુ પુરુહૂત વિશ્વે ।
સહસ્રાણ્ય્ અધિરથાન્ય્ અસ્મે આ નો યજ્ઞં રોહિદશ્વોપ યાહિ ॥

એતાન્ય્ અગ્ને નવતિર્ નવ ત્વે આહુતાન્ય્ અધિરથા સહસ્રા ।
તેભિર્ વર્ધસ્વ તન્વઃ શૂર પૂર્વીર્ દિવો નો વૃષ્ટિમ્ ઇષિતો રિરીહિ ॥

એતાન્ય્ અગ્ને નવતિં સહસ્રા સમ્ પ્ર યચ્છ વૃષ્ણ ઇન્દ્રાય ભાગમ્ ।
વિદ્વાન્ પથ ઋતુશો દેવયાનાન્ અપ્ય્ ઔલાનં દિવિ દેવેષુ ધેહિ ॥

અગ્ને બાધસ્વ વિ મૃધો વિ દુર્ગહાપામીવામ્ અપ રક્ષાંસિ સેધ ।
અસ્માત્ સમુદ્રાદ્ બૃહતો દિવો નો ઽપામ્ ભૂમાનમ્ ઉપ નઃ સૃજેહ ॥