ઋગ્વેદ · અધ્યાય 10.096

પ્ર તે મહે વિદથે શંસિષં હરી પ્ર તે વન્વે વનુષો હર્યતમ્ મદમ્ ।
ઘૃતં ન યો હરિભિશ્ ચારુ સેચત આ ત્વા વિશન્તુ હરિવર્પસં ગિરઃ ॥

હરિં હિ યોનિમ્ અભિ યે સમસ્વરન્ હિન્વન્તો હરી દિવ્યં યથા સદઃ ।
આ યમ્ પૃણન્તિ હરિભિર્ ન ધેનવ ઇન્દ્રાય શૂષં હરિવન્તમ્ અર્ચત ॥

સો અસ્ય વજ્રો હરિતો ય આયસો હરિર્ નિકામો હરિર્ આ ગભસ્ત્યોઃ ।
દ્યુમ્ની સુશિપ્રો હરિમન્યુસાયક ઇન્દ્રે નિ રૂપા હરિતા મિમિક્ષિરે ॥

દિવિ ન કેતુર્ અધિ ધાયિ હર્યતો વિવ્યચદ્ વજ્રો હરિતો ન રંહ્યા ।
તુદદ્ અહિં હરિશિપ્રો ય આયસઃ સહસ્રશોકા અભવદ્ ધરિમ્ભરઃ ॥

ત્વં-ત્વમ્ અહર્યથા ઉપસ્તુતઃ પૂર્વેભિર્ ઇન્દ્ર હરિકેશ યજ્વભિઃ ।
ત્વં હર્યસિ તવ વિશ્વમ્ ઉક્થ્ય1મ્ અસામિ રાધો હરિજાત હર્યતમ્ ॥

તા વજ્રિણમ્ મન્દિનં સ્તોમ્યમ્ મદ ઇન્દ્રં રથે વહતો હર્યતા હરી ।
પુરૂણ્ય્ અસ્મૈ સવનાનિ હર્યત ઇન્દ્રાય સોમા હરયો દધન્વિરે ॥

અરં કામાય હરયો દધન્વિરે સ્થિરાય હિન્વન્ હરયો હરી તુરા ।
અર્વદ્ભિર્ યો હરિભિર્ જોષમ્ ઈયતે સો અસ્ય કામં હરિવન્તમ્ આનશે ॥

હરિશ્મશારુર્ હરિકેશ આયસસ્ તુરસ્પેયે યો હરિપા અવર્ધત ।
અર્વદ્ભિર્ યો હરિભિર્ વાજિનીવસુર્ અતિ વિશ્વા દુરિતા પારિષદ્ ધરી ॥

સ્રુવેવ યસ્ય હરિણી વિપેતતુઃ શિપ્રે વાજાય હરિણી દવિધ્વતઃ ।
પ્ર યત્ કૃતે ચમસે મર્મૃજદ્ ધરી પીત્વા મદસ્ય હર્યતસ્યાન્ધસઃ ॥

ઉત સ્મ સદ્મ હર્યતસ્ય પસ્ત્યો3ર્ અત્યો ન વાજં હરિવાઁ અચિક્રદત્ ।
મહી ચિદ્ ધિ ધિષણાહર્યદ્ ઓજસા બૃહદ્ વયો દધિષે હર્યતશ્ ચિદ્ આ ॥

આ રોદસી હર્યમાણો મહિત્વા નવ્યં-નવ્યં હર્યસિ મન્મ નુ પ્રિયમ્ ।
પ્ર પસ્ત્યમ્ અસુર હર્યતં ગોર્ આવિષ્ કૃધિ હરયે સૂર્યાય ॥

આ ત્વા હર્યન્તમ્ પ્રયુજો જનાનાં રથે વહન્તુ હરિશિપ્રમ્ ઇન્દ્ર ।
પિબા યથા પ્રતિભૃતસ્ય મધ્વો હર્યન્ યજ્ઞં સધમાદે દશોણિમ્ ॥

અપાઃ પૂર્વેષાં હરિવઃ સુતાનામ્ અથો ઇદં સવનં કેવલં તે ।
મમદ્ધિ સોમમ્ મધુમન્તમ્ ઇન્દ્ર સત્રા વૃષઞ્ જઠર આ વૃષસ્વ ॥