ઋગ્વેદ · અધ્યાય 10.094

પ્રૈતે વદન્તુ પ્ર વયં વદામ ગ્રાવભ્યો વાચં વદતા વદદ્ભ્યઃ ।
યદ્ અદ્રયઃ પર્વતાઃ સાકમ્ આશવઃ શ્લોકં ઘોષમ્ ભરથેન્દ્રાય સોમિનઃ ॥

એતે વદન્તિ શતવત્ સહસ્રવદ્ અભિ ક્રન્દન્તિ હરિતેભિર્ આસભિઃ ।
વિષ્ટ્વી ગ્રાવાણઃ સુકૃતઃ સુકૃત્યયા હોતુશ્ ચિત્ પૂર્વે હવિરદ્યમ્ આશત ॥

એતે વદન્ત્ય્ અવિદન્ન્ અના મધુ ન્ય્ ઊઙ્ખયન્તે અધિ પક્વ આમિષિ ।
વૃક્ષસ્ય શાખામ્ અરુણસ્ય બપ્સતસ્ તે સૂભર્વા વૃષભાઃ પ્રેમ્ અરાવિષુઃ ॥

બૃહદ્ વદન્તિ મદિરેણ મન્દિનેન્દ્રં ક્રોશન્તો ઽવિદન્ન્ અના મધુ ।
સંરભ્યા ધીરાઃ સ્વસૃભિર્ અનર્તિષુર્ આઘોષયન્તઃ પૃથિવીમ્ ઉપબ્દિભિઃ ॥

સુપર્ણા વાચમ્ અક્રતોપ દ્યવ્ય્ આખરે કૃષ્ણા ઇષિરા અનર્તિષુઃ ।
ન્ય1ઙ્ નિ યન્ત્ય્ ઉપરસ્ય નિષ્કૃતમ્ પુરૂ રેતો દધિરે સૂર્યશ્વિતઃ ॥

ઉગ્રા ઇવ પ્રવહન્તઃ સમાયમુઃ સાકં યુક્તા વૃષણો બિભ્રતો ધુરઃ ।
યચ્ છ્વસન્તો જગ્રસાના અરાવિષુઃ શૃણ્વ એષામ્ પ્રોથથો અર્વતામ્ ઇવ ॥

દશાવનિભ્યો દશકક્ષ્યેભ્યો દશયોક્ત્રેભ્યો દશયોજનેભ્યઃ ।
દશાભીશુભ્યો અર્ચતાજરેભ્યો દશ ધુરો દશ યુક્તા વહદ્ભ્યઃ ॥

તે અદ્રયો દશયન્ત્રાસ આશવસ્ તેષામ્ આધાનમ્ પર્ય્ એતિ હર્યતમ્ ।
ત ઊ સુતસ્ય સોમ્યસ્યાન્ધસો ઽંશોઃ પીયૂષમ્ પ્રથમસ્ય ભેજિરે ॥

તે સોમાદો હરી ઇન્દ્રસ્ય નિંસતે ઽંશું દુહન્તો અધ્ય્ આસતે ગવિ ।
તેભિર્ દુગ્ધમ્ પપિવાન્ સોમ્યમ્ મધ્વ્ ઇન્દ્રો વર્ધતે પ્રથતે વૃષાયતે ॥

વૃષા વો અંશુર્ ન કિલા રિષાથનેળાવન્તઃ સદમ્ ઇત્ સ્થનાશિતાઃ ।
રૈવત્યેવ મહસા ચારવઃ સ્થન યસ્ય ગ્રાવાણો અજુષધ્વમ્ અધ્વરમ્ ॥

તૃદિલા અતૃદિલાસો અદ્રયો ઽશ્રમણા અશૃથિતા અમૃત્યવઃ ।
અનાતુરા અજરાઃ સ્થામવિષ્ણવઃ સુપીવસો અતૃષિતા અતૃષ્ણજઃ ॥

ધ્રુવા એવ વઃ પિતરો યુગે-યુગે ક્ષેમકામાસઃ સદસો ન યુઞ્જતે ।
અજુર્યાસો હરિષાચો હરિદ્રવ આ દ્યાં રવેણ પૃથિવીમ્ અશુશ્રવુઃ ॥

તદ્ ઇદ્ વદન્ત્ય્ અદ્રયો વિમોચને યામન્ન્ અઞ્જસ્પા ઇવ ઘેદ્ ઉપબ્દિભિઃ ।
વપન્તો બીજમ્ ઇવ ધાન્યાકૃતઃ પૃઞ્ચન્તિ સોમં ન મિનન્તિ બપ્સતઃ ॥

સુતે અધ્વરે અધિ વાચમ્ અક્રતા ક્રીળયો ન માતરં તુદન્તઃ ।
વિ ષૂ મુઞ્ચા સુષુવુષો મનીષાં વિ વર્તન્તામ્ અદ્રયશ્ ચાયમાનાઃ ॥