ઋગ્વેદ · અધ્યાય 10.080

અગ્નિઃ સપ્તિં વાજમ્ભરં દદાત્ય્ અગ્નિર્ વીરં શ્રુત્યં કર્મનિઃષ્ઠામ્ ।
અગ્ની રોદસી વિ ચરત્ સમઞ્જન્ન્ અગ્નિર્ નારીં વીરકુક્ષિમ્ પુરંધિમ્ ॥

અગ્નેર્ અપ્નસઃ સમિદ્ અસ્તુ ભદ્રાગ્નિર્ મહી રોદસી આ વિવેશ ।
અગ્નિર્ એકં ચોદયત્ સમત્સ્વ્ અગ્નિર્ વૃત્રાણિ દયતે પુરૂણિ ॥

અગ્નિર્ હ ત્યં જરતઃ કર્ણમ્ આવાગ્નિર્ અદ્ભ્યો નિર્ અદહજ્ જરૂથમ્ ।
અગ્નિર્ અત્રિં ઘર્મ ઉરુષ્યદ્ અન્તર્ અગ્નિર્ નૃમેધમ્ પ્રજયાસૃજત્ સમ્ ॥

અગ્નિર્ દાદ્ દ્રવિણં વીરપેશા અગ્નિર્ ઋષિં યઃ સહસ્રા સનોતિ ।
અગ્નિર્ દિવિ હવ્યમ્ આ તતાનાગ્નેર્ ધામાનિ વિભૃતા પુરુત્રા ॥

અગ્નિમ્ ઉક્થૈર્ ઋષયો વિ હ્વયન્તે ઽગ્નિં નરો યામનિ બાધિતાસઃ ।
અગ્નિં વયો અન્તરિક્ષે પતન્તો ઽગ્નિઃ સહસ્રા પરિ યાતિ ગોનામ્ ॥

અગ્નિં વિશ ઈળતે માનુષીર્ યા અગ્નિમ્ મનુષો નહુષો વિ જાતાઃ ।
અગ્નિર્ ગાન્ધર્વીમ્ પથ્યામ્ ઋતસ્યાગ્નેર્ ગવ્યૂતિર્ ઘૃત આ નિષત્તા ॥

અગ્નયે બ્રહ્મ ઋભવસ્ તતક્ષુર્ અગ્નિમ્ મહામ્ અવોચામા સુવૃક્તિમ્ ।
અગ્ને પ્રાવ જરિતારં યવિષ્ઠાગ્ને મહિ દ્રવિણમ્ આ યજસ્વ ॥