ઋગ્વેદ · અધ્યાય 10.077

અભ્રપ્રુષો ન વાચા પ્રુષા વસુ હવિષ્મન્તો ન યજ્ઞા વિજાનુષઃ ।
સુમારુતં ન બ્રહ્માણમ્ અર્હસે ગણમ્ અસ્તોષ્ય્ એષાં ન શોભસે ॥

શ્રિયે મર્યાસો અઞ્જીઁર્ અકૃણ્વત સુમારુતં ન પૂર્વીર્ અતિ ક્ષપઃ ।
દિવસ્ પુત્રાસ એતા ન યેતિર આદિત્યાસસ્ તે અક્રા ન વાવૃધુઃ ॥

પ્ર યે દિવઃ પૃથિવ્યા ન બર્હણા ત્મના રિરિચ્રે અભ્રાન્ ન સૂર્યઃ ।
પાજસ્વન્તો ન વીરાઃ પનસ્યવો રિશાદસો ન મર્યા અભિદ્યવઃ ॥

યુષ્માકમ્ બુધ્ને અપાં ન યામનિ વિથુર્યતિ ન મહી શ્રથર્યતિ ।
વિશ્વપ્સુર્ યજ્ઞો અર્વાગ્ અયં સુ વઃ પ્રયસ્વન્તો ન સત્રાચ આ ગત ॥

યૂયં ધૂર્ષુ પ્રયુજો ન રશ્મિભિર્ જ્યોતિષ્મન્તો ન ભાસા વ્યુષ્ટિષુ ।
શ્યેનાસો ન સ્વયશસો રિશાદસઃ પ્રવાસો ન પ્રસિતાસઃ પરિપ્રુષઃ ॥

પ્ર યદ્ વહધ્વે મરુતઃ પરાકાદ્ યૂયમ્ મહઃ સંવરણસ્ય વસ્વઃ ।
વિદાનાસો વસવો રાધ્યસ્યારાચ્ ચિદ્ દ્વેષઃ સનુતર્ યુયોત ॥

ય ઉદૃચિ યજ્ઞે અધ્વરેષ્ઠા મરુદ્ભ્યો ન માનુષો દદાશત્ ।
રેવત્ સ વયો દધતે સુવીરં સ દેવાનામ્ અપિ ગોપીથે અસ્તુ ॥

તે હિ યજ્ઞેષુ યજ્ઞિયાસ ઊમા આદિત્યેન નામ્ના શમ્ભવિષ્ઠાઃ ।
તે નો ઽવન્તુ રથતૂર્ મનીષામ્ મહશ્ ચ યામન્ન્ અધ્વરે ચકાનાઃ ॥