ઋગ્વેદ · અધ્યાય 10.072

દેવાનાં નુ વયં જાના પ્ર વોચામ વિપન્યયા ।
ઉક્થેષુ શસ્યમાનેષુ યઃ પશ્યાદ્ ઉત્તરે યુગે ॥

બ્રહ્મણસ્ પતિર્ એતા સં કર્માર ઇવાધમત્ ।
દેવાનામ્ પૂર્વ્યે યુગે ઽસતઃ સદ્ અજાયત ॥

દેવાનાં યુગે પ્રથમે ઽસતઃ સદ્ અજાયત ।
તદ્ આશા અન્વ્ અજાયન્ત તદ્ ઉત્તાનપદસ્ પરિ ॥

ભૂર્ જજ્ઞ ઉત્તાનપદો ભુવ આશા અજાયન્ત ।
અદિતેર્ દક્ષો અજાયત દક્ષાદ્ વ્ અદિતિઃ પરિ ॥

અદિતિર્ હ્ય્ અજનિષ્ટ દક્ષ યા દુહિતા તવ ।
તાં દેવા અન્વ્ અજાયન્ત ભદ્રા અમૃતબન્ધવઃ ॥

યદ્ દેવા અદઃ સલિલે સુસંરબ્ધા અતિષ્ઠત ।
અત્રા વો નૃત્યતામ્ ઇવ તીવ્રો રેણુર્ અપાયત ॥

યદ્ દેવા યતયો યથા ભુવનાન્ય્ અપિન્વત ।
અત્રા સમુદ્ર આ ગૂળ્હમ્ આ સૂર્યમ્ અજભર્તન ॥

અષ્ટૌ પુત્રાસો અદિતેર્ યે જાતાસ્ તન્વ1સ્ પરિ ।
દેવાઁ ઉપ પ્રૈત્ સપ્તભિઃ પરા માર્તાણ્ડમ્ આસ્યત્ ॥

સપ્તભિઃ પુત્રૈર્ અદિતિર્ ઉપ પ્રૈત્ પૂર્વ્યં યુગમ્ ।
પ્રજાયૈ મૃત્યવે ત્વત્ પુનર્ માર્તાણ્ડમ્ આભરત્ ॥