ઋગ્વેદ · અધ્યાય 10.069

ભદ્રા અગ્નેર્ વધ્ર્યશ્વસ્ય સંદૃશો વામી પ્રણીતિઃ સુરણા ઉપેતયઃ ।
યદ્ ઈં સુમિત્રા વિશો અગ્ર ઇન્ધતે ઘૃતેનાહુતો જરતે દવિદ્યુતત્ ॥

ઘૃતમ્ અગ્નેર્ વધ્ર્યશ્વસ્ય વર્ધનં ઘૃતમ્ અન્નં ઘૃતમ્ વ્ અસ્ય મેદનમ્ ।
ઘૃતેનાહુત ઉર્વિયા વિ પપ્રથે સૂર્ય ઇવ રોચતે સર્પિરાસુતિઃ ॥

યત્ તે મનુર્ યદ્ અનીકં સુમિત્રઃ સમીધે અગ્ને તદ્ ઇદં નવીયઃ ।
સ રેવચ્ છોચ સ ગિરો જુષસ્વ સ વાજં દર્ષિ સ ઇહ શ્રવો ધાઃ ॥

યં ત્વા પૂર્વમ્ ઈળિતો વધ્ર્યશ્વઃ સમીધે અગ્ને સ ઇદં જુષસ્વ ।
સ નઃ સ્તિપા ઉત ભવા તનૂપા દાત્રં રક્ષસ્વ યદ્ ઇદં તે અસ્મે ॥

ભવા દ્યુમ્ની વાધ્ર્યશ્વોત ગોપા મા ત્વા તારીદ્ અભિમાતિર્ જનાનામ્ ।
શૂર ઇવ ધૃષ્ણુશ્ ચ્યવનઃ સુમિત્રઃ પ્ર નુ વોચં વાધ્ર્યશ્વસ્ય નામ ॥

સમ્ અજ્ર્યા પર્વત્યા3 વસૂનિ દાસા વૃત્રાણ્ય્ આર્યા જિગેથ ।
શૂર ઇવ ધૃષ્ણુશ્ ચ્યવનો જનાનાં ત્વમ્ અગ્ને પૃતનાયૂઁર્ અભિ ષ્યાઃ ॥

દીર્ઘતન્તુર્ બૃહદુક્ષાયમ્ અગ્નિઃ સહસ્રસ્તરીઃ શતનીથ ઋભ્વા ।
દ્યુમાન્ દ્યુમત્સુ નૃભિર્ મૃજ્યમાનઃ સુમિત્રેષુ દીદયો દેવયત્સુ ॥

ત્વે ધેનુઃ સુદુઘા જાતવેદો ઽસશ્ચતેવ સમના સબર્ધુક્ ।
ત્વં નૃભિર્ દક્ષિણાવદ્ભિર્ અગ્ને સુમિત્રેભિર્ ઇધ્યસે દેવયદ્ભિઃ ॥

દેવાશ્ ચિત્ તે અમૃતા જાતવેદો મહિમાનં વાધ્ર્યશ્વ પ્ર વોચન્ ।
યત્ સમ્પૃચ્છમ્ માનુષીર્ વિશ આયન્ ત્વં નૃભિર્ અજયસ્ ત્વાવૃધેભિઃ ॥

પિતેવ પુત્રમ્ અબિભર્ ઉપસ્થે ત્વામ્ અગ્ને વધ્ર્યશ્વઃ સપર્યન્ ।
જુષાણો અસ્ય સમિધં યવિષ્ઠોત પૂર્વાઁ અવનોર્ વ્રાધતશ્ ચિત્ ॥

શશ્વદ્ અગ્નિર્ વધ્ર્યશ્વસ્ય શત્રૂન્ નૃભિર્ જિગાય સુતસોમવદ્ભિઃ ।
સમનં ચિદ્ અદહશ્ ચિત્રભાનો ઽવ વ્રાધન્તમ્ અભિનદ્ વૃધશ્ ચિત્ ॥

અયમ્ અગ્નિર્ વધ્ર્યશ્વસ્ય વૃત્રહા સનકાત્ પ્રેદ્ધો નમસોપવાક્યઃ ।
સ નો અજામીઁર્ ઉત વા વિજામીન્ અભિ તિષ્ઠ શર્ધતો વાધ્ર્યશ્વ ॥