ઋગ્વેદ · અધ્યાય 10.063

પરાવતો યે દિધિષન્ત આપ્યમ્ મનુપ્રીતાસો જનિમા વિવસ્વતઃ ।
યયાતેર્ યે નહુષ્યસ્ય બર્હિષિ દેવા આસતે તે અધિ બ્રુવન્તુ નઃ ॥

વિશ્વા હિ વો નમસ્યાનિ વન્દ્યા નામાનિ દેવા ઉત યજ્ઞિયાનિ વઃ ।
યે સ્થ જાતા અદિતેર્ અદ્ભ્યસ્ પરિ યે પૃથિવ્યાસ્ તે મ ઇહ શ્રુતા હવમ્ ॥

યેભ્યો માતા મધુમત્ પિન્વતે પયઃ પીયૂષં દ્યૌર્ અદિતિર્ અદ્રિબર્હાઃ ।
ઉક્થશુષ્માન્ વૃષભરાન્ સ્વપ્નસસ્ તાઁ આદિત્યાઁ અનુ મદા સ્વસ્તયે ॥

નૃચક્ષસો અનિમિષન્તો અર્હણા બૃહદ્ દેવાસો અમૃતત્વમ્ આનશુઃ ।
જ્યોતીરથા અહિમાયા અનાગસો દિવો વર્ષ્માણં વસતે સ્વસ્તયે ॥

સમ્રાજો યે સુવૃધો યજ્ઞમ્ આયયુર્ અપરિહ્વૃતા દધિરે દિવિ ક્ષયમ્ ।
તાઁ આ વિવાસ નમસા સુવૃક્તિભિર્ મહો આદિત્યાઁ અદિતિં સ્વસ્તયે ॥

કો વઃ સ્તોમં રાધતિ યં જુજોષથ વિશ્વે દેવાસો મનુષો યતિ ષ્ઠન ।
કો વો ઽધ્વરં તુવિજાતા અરં કરદ્ યો નઃ પર્ષદ્ અત્ય્ અંહઃ સ્વસ્તયે ॥

યેભ્યો હોત્રામ્ પ્રથમામ્ આયેજે મનુઃ સમિદ્ધાગ્નિર્ મનસા સપ્ત હોતૃભિઃ ।
ત આદિત્યા અભયં શર્મ યચ્છત સુગા નઃ કર્ત સુપથા સ્વસ્તયે ॥

ય ઈશિરે ભુવનસ્ય પ્રચેતસો વિશ્વસ્ય સ્થાતુર્ જગતશ્ ચ મન્તવઃ ।
તે નઃ કૃતાદ્ અકૃતાદ્ એનસસ્ પર્ય્ અદ્યા દેવાસઃ પિપૃતા સ્વસ્તયે ॥

ભરેષ્વ્ ઇન્દ્રં સુહવં હવામહે ઽંહોમુચં સુકૃતં દૈવ્યં જનમ્ ।
અગ્નિમ્ મિત્રં વરુણં સાતયે ભગં દ્યાવાપૃથિવી મરુતઃ સ્વસ્તયે ॥

સુત્રામાણમ્ પૃથિવીં દ્યામ્ અનેહસં સુશર્માણમ્ અદિતિં સુપ્રણીતિમ્ ।
દૈવીં નાવં સ્વરિત્રામ્ અનાગસમ્ અસ્રવન્તીમ્ આ રુહેમા સ્વસ્તયે ॥

વિશ્વે યજત્રા અધિ વોચતોતયે ત્રાયધ્વં નો દુરેવાયા અભિહ્રુતઃ ।
સત્યયા વો દેવહૂત્યા હુવેમ શૃણ્વતો દેવા અવસે સ્વસ્તયે ॥

અપામીવામ્ અપ વિશ્વામ્ અનાહુતિમ્ અપારાતિં દુર્વિદત્રામ્ અઘાયતઃ ।
આરે દેવા દ્વેષો અસ્મદ્ યુયોતનોરુ ણઃ શર્મ યચ્છતા સ્વસ્તયે ॥

અરિષ્ટઃ સ મર્તો વિશ્વ એધતે પ્ર પ્રજાભિર્ જાયતે ધર્મણસ્ પરિ ।
યમ્ આદિત્યાસો નયથા સુનીતિભિર્ અતિ વિશ્વાનિ દુરિતા સ્વસ્તયે ॥

યં દેવાસો ઽવથ વાજસાતૌ યં શૂરસાતા મરુતો હિતે ધને ।
પ્રાતર્યાવાણં રથમ્ ઇન્દ્ર સાનસિમ્ અરિષ્યન્તમ્ આ રુહેમા સ્વસ્તયે ॥

સ્વસ્તિ નઃ પથ્યાસુ ધન્વસુ સ્વસ્ત્ય્ અ1પ્સુ વૃજને સ્વર્વતિ ।
સ્વસ્તિ નઃ પુત્રકૃથેષુ યોનિષુ સ્વસ્તિ રાયે મરુતો દધાતન ॥

સ્વસ્તિર્ ઇદ્ ધિ પ્રપથે શ્રેષ્ઠા રેક્ણસ્વત્ય્ અભિ યા વામમ્ એતિ ।
સા નો અમા સો અરણે નિ પાતુ સ્વાવેશા ભવતુ દેવગોપા ॥

એવા પ્લતેઃ સૂનુર્ અવીવૃધદ્ વો વિશ્વ આદિત્યા અદિતે મનીષી ।
ઈશાનાસો નરો અમર્ત્યેનાસ્તાવિ જનો દિવ્યો ગયેન ॥