ઋગ્વેદ · અધ્યાય 10.048

અહમ્ ભુવં વસુનઃ પૂર્વ્યસ્ પતિર્ અહં ધનાનિ સં જયામિ શશ્વતઃ ।
માં હવન્તે પિતરં ન જન્તવો ઽહં દાશુષે વિ ભજામિ ભોજનમ્ ॥

અહમ્ ઇન્દ્રો રોધો વક્ષો અથર્વણસ્ ત્રિતાય ગા અજનયમ્ અહેર્ અધિ ।
અહં દસ્યુભ્યઃ પરિ નૃમ્ણમ્ આ દદે ગોત્રા શિક્ષન્ દધીચે માતરિશ્વને ॥

મહ્યં ત્વષ્ટા વજ્રમ્ અતક્ષદ્ આયસમ્ મયિ દેવાસો ઽવૃજન્ન્ અપિ ક્રતુમ્ ।
મમાનીકં સૂર્યસ્યેવ દુષ્ટરમ્ મામ્ આર્યન્તિ કૃતેન કર્ત્વેન ચ ॥

અહમ્ એતં ગવ્યયમ્ અશ્વ્યમ્ પશુમ્ પુરીષિણં સાયકેના હિરણ્યયમ્ ।
પુરૂ સહસ્રા નિ શિશામિ દાશુષે યન્ મા સોમાસ ઉક્થિનો અમન્દિષુઃ ॥

અહમ્ ઇન્દ્રો ન પરા જિગ્ય ઇદ્ ધનં ન મૃત્યવે ઽવ તસ્થે કદા ચન ।
સોમમ્ ઇન્ મા સુન્વન્તો યાચતા વસુ ન મે પૂરવઃ સખ્યે રિષાથન ॥

અહમ્ એતાઞ્ છાશ્વસતો દ્વા-દ્વેન્દ્રં યે વજ્રં યુધયે ઽકૃણ્વત ।
આહ્વયમાનાઁ અવ હન્મનાહનં દૃળ્હા વદન્ન્ અનમસ્યુર્ નમસ્વિનઃ ॥

અભી3દમ્ એકમ્ એકો અસ્મિ નિષ્ષાળ્ અભી દ્વા કિમ્ ઉ ત્રયઃ કરન્તિ ।
ખલે ન પર્ષાન્ પ્રતિ હન્મિ ભૂરિ કિમ્ મા નિન્દન્તિ શત્રવો ઽનિન્દ્રાઃ ॥

અહં ગુઙ્ગુભ્યો અતિથિગ્વમ્ ઇષ્કરમ્ ઇષં ન વૃત્રતુરં વિક્ષુ ધારયમ્ ।
યત્ પર્ણયઘ્ન ઉત વા કરઞ્જહે પ્રાહમ્ મહે વૃત્રહત્યે અશુશ્રવિ ॥

પ્ર મે નમી સાપ્ય ઇષે ભુજે ભૂદ્ ગવામ્ એષે સખ્યા કૃણુત દ્વિતા ।
દિદ્યું યદ્ અસ્ય સમિથેષુ મંહયમ્ આદ્ ઇદ્ એનં શંસ્યમ્ ઉક્થ્યં કરમ્ ॥

પ્ર નેમસ્મિન્ દદૃશે સોમો અન્તર્ ગોપા નેમમ્ આવિર્ અસ્થા કૃણોતિ ।
સ તિગ્મશૃઙ્ગં વૃષભં યુયુત્સન્ દ્રુહસ્ તસ્થૌ બહુલે બદ્ધો અન્તઃ ॥

આદિત્યાનાં વસૂનાં રુદ્રિયાણાં દેવો દેવાનાં ન મિનામિ ધામ ।
તે મા ભદ્રાય શવસે તતક્ષુર્ અપરાજિતમ્ અસ્તૃતમ્ અષાળ્હમ્ ॥