ઋગ્વેદ · અધ્યાય 10.006

અયં સ યસ્ય શર્મન્ન્ અવોભિર્ અગ્નેર્ એધતે જરિતાભિષ્ટૌ ।
જ્યેષ્ઠેભિર્ યો ભાનુભિર્ ઋષૂણામ્ પર્યેતિ પરિવીતો વિભાવા ॥

યો ભાનુભિર્ વિભાવા વિભાત્ય્ અગ્નિર્ દેવેભિર્ ઋતાવાજસ્રઃ ।
આ યો વિવાય સખ્યા સખિભ્યો ઽપરિહ્વૃતો અત્યો ન સપ્તિઃ ॥

ઈશે યો વિશ્વસ્યા દેવવીતેર્ ઈશે વિશ્વાયુર્ ઉષસો વ્યુષ્ટૌ ।
આ યસ્મિન્ મના હવીંષ્ય્ અગ્નાવ્ અરિષ્ટરથઃ સ્કભ્નાતિ શૂષૈઃ ॥

શૂષેભિર્ વૃધો જુષાણો અર્કૈર્ દેવાઁ અચ્છા રઘુપત્વા જિગાતિ ।
મન્દ્રો હોતા સ જુહ્વા3 યજિષ્ઠઃ સમ્મિશ્લો અગ્નિર્ આ જિઘર્તિ દેવાન્ ॥

તમ્ ઉસ્રામ્ ઇન્દ્રં ન રેજમાનમ્ અગ્નિં ગીર્ભિર્ નમોભિર્ આ કૃણુધ્વમ્ ।
આ યં વિપ્રાસો મતિભિર્ ગૃણન્તિ જાતવેદસં જુહ્વં સહાનામ્ ॥

સં યસ્મિન્ વિશ્વા વસૂનિ જગ્મુર્ વાજે નાશ્વાઃ સપ્તીવન્ત એવૈઃ ।
અસ્મે ઊતીર્ ઇન્દ્રવાતતમા અર્વાચીના અગ્ન આ કૃણુષ્વ ॥

અધા હ્ય્ અગ્ને મહ્ના નિષદ્યા સદ્યો જજ્ઞાનો હવ્યો બભૂથ ।
તં તે દેવાસો અનુ કેતમ્ આયન્ન્ અધાવર્ધન્ત પ્રથમાસ ઊમાઃ ॥