ઋગ્વેદ · અધ્યાય 10.003

ઇનો રાજન્ન્ અરતિઃ સમિદ્ધો રૌદ્રો દક્ષાય સુષુમાઁ અદર્શિ ।
ચિકિદ્ વિ ભાતિ ભાસા બૃહતાસિક્નીમ્ એતિ રુશતીમ્ અપાજન્ ॥

કૃષ્ણાં યદ્ એનીમ્ અભિ વર્પસા ભૂજ્ જનયન્ યોષામ્ બૃહતઃ પિતુર્ જામ્ ।
ઊર્ધ્વમ્ ભાનું સૂર્યસ્ય સ્તભાયન્ દિવો વસુભિર્ અરતિર્ વિ ભાતિ ॥

ભદ્રો ભદ્રયા સચમાન આગાત્ સ્વસારં જારો અભ્ય્ એતિ પશ્ચાત્ ।
સુપ્રકેતૈર્ દ્યુભિર્ અગ્નિર્ વિતિષ્ઠન્ રુશદ્ભિર્ વર્ણૈર્ અભિ રામમ્ અસ્થાત્ ॥

અસ્ય યામાસો બૃહતો ન વગ્નૂન્ ઇન્ધાના અગ્નેઃ સખ્યુઃ શિવસ્ય ।
ઈડ્યસ્ય વૃષ્ણો બૃહતઃ સ્વાસો ભામાસો યામન્ન્ અક્તવશ્ ચિકિત્રે ॥

સ્વના ન યસ્ય ભામાસઃ પવન્તે રોચમાનસ્ય બૃહતઃ સુદિવઃ ।
જ્યેષ્ઠેભિર્ યસ્ તેજિષ્ઠૈઃ ક્રીળુમદ્ભિર્ વર્ષિષ્ઠેભિર્ ભાનુભિર્ નક્ષતિ દ્યામ્ ॥

અસ્ય શુષ્માસો દદૃશાનપવેર્ જેહમાનસ્ય સ્વનયન્ નિયુદ્ભિઃ ।
પ્રત્નેભિર્ યો રુશદ્ભિર્ દેવતમો વિ રેભદ્ભિર્ અરતિર્ ભાતિ વિભ્વા ॥

સ આ વક્ષિ મહિ ન આ ચ સત્સિ દિવસ્પૃથિવ્યોર્ અરતિર્ યુવત્યોઃ ।
અગ્નિઃ સુતુકઃ સુતુકેભિર્ અશ્વૈ રભસ્વદ્ભી રભસ્વાઁ એહ ગમ્યાઃ ॥