ઋગ્વેદ · અધ્યાય 1.188

સમિદ્ધો અદ્ય રાજસિ દેવો દેવૈઃ સહસ્રજિત્ ।
દૂતો હવ્યા કવિર્ વહ ॥

તનૂનપાદ્ ઋતં યતે મધ્વા યજ્ઞઃ સમ્ અજ્યતે ।
દધત્ સહસ્રિણીર્ ઇષઃ ॥

આજુહ્વાનો ન ઈડ્યો દેવાઁ આ વક્ષિ યજ્ઞિયાન્ ।
અગ્ને સહસ્રસા અસિ ॥

પ્રાચીનમ્ બર્હિર્ ઓજસા સહસ્રવીરમ્ અસ્તૃણન્ ।
યત્રાદિત્યા વિરાજથ ॥

વિરાટ્ સમ્રાડ્ વિભ્વીઃ પ્રભ્વીર્ બહ્વીશ્ ચ ભૂયસીશ્ ચ યાઃ ।
દુરો ઘૃતાન્ય્ અક્ષરન્ ॥

સુરુક્મે હિ સુપેશસાધિ શ્રિયા વિરાજતઃ ।
ઉષાસાવ્ એહ સીદતામ્ ॥

પ્રથમા હિ સુવાચસા હોતારા દૈવ્યા કવી ।
યજ્ઞં નો યક્ષતામ્ ઇમમ્ ॥

ભારતીળે સરસ્વતિ યા વઃ સર્વા ઉપબ્રુવે ।
તા નશ્ ચોદયત શ્રિયે ॥

ત્વષ્ટા રૂપાણિ હિ પ્રભુઃ પશૂન્ વિશ્વાન્ સમાનજે ।
તેષાં નઃ સ્ફાતિમ્ આ યજ ॥

ઉપ ત્મન્યા વનસ્પતે પાથો દેવેભ્યઃ સૃજ ।
અગ્નિર્ હવ્યાનિ સિષ્વદત્ ॥

પુરોગા અગ્નિર્ દેવાનાં ગાયત્રેણ સમ્ અજ્યતે ।
સ્વાહાકૃતીષુ રોચતે ॥