ઋગ્વેદ · અધ્યાય 1.171

પ્રતિ વ એના નમસાહમ્ એમિ સૂક્તેન ભિક્ષે સુમતિં તુરાણામ્ ।
રરાણતા મરુતો વેદ્યાભિર્ નિ હેળો ધત્ત વિ મુચધ્વમ્ અશ્વાન્ ॥

એષ વઃ સ્તોમો મરુતો નમસ્વાન્ હૃદા તષ્ટો મનસા ધાયિ દેવાઃ ।
ઉપેમ્ આ યાત મનસા જુષાણા યૂયં હિ ષ્ઠા નમસ ઇદ્ વૃધાસઃ ॥

સ્તુતાસો નો મરુતો મૃળયન્તૂત સ્તુતો મઘવા શમ્ભવિષ્ઠઃ ।
ઊર્ધ્વા નઃ સન્તુ કોમ્યા વનાન્ય્ અહાનિ વિશ્વા મરુતો જિગીષા ॥

અસ્માદ્ અહં તવિષાદ્ ઈષમાણ ઇન્દ્રાદ્ ભિયા મરુતો રેજમાનઃ ।
યુષ્મભ્યં હવ્યા નિશિતાન્ય્ આસન્ તાન્ય્ આરે ચકૃમા મૃળતા નઃ ॥

યેન માનાસશ્ ચિતયન્ત ઉસ્રા વ્યુષ્ટિષુ શવસા શશ્વતીનામ્ ।
સ નો મરુદ્ભિર્ વૃષભ શ્રવો ધા ઉગ્ર ઉગ્રેભિઃ સ્થવિરઃ સહોદાઃ ॥

ત્વમ્ પાહીન્દ્ર સહીયસો નૄન્ ભવા મરુદ્ભિર્ અવયાતહેળાઃ ।
સુપ્રકેતેભિઃ સાસહિર્ દધાનો વિદ્યામેષં વૃજનં જીરદાનુમ્ ॥