ઋગ્વેદ · અધ્યાય 1.160

તે હિ દ્યાવાપૃથિવી વિશ્વશમ્ભુવ ઋતાવરી રજસો ધારયત્કવી ।
સુજન્મની ધિષણે અન્તર્ ઈયતે દેવો દેવી ધર્મણા સૂર્યઃ શુચિઃ ॥

ઉરુવ્યચસા મહિની અસશ્ચતા પિતા માતા ચ ભુવનાનિ રક્ષતઃ ।
સુધૃષ્ટમે વપુષ્યે3 ન રોદસી પિતા યત્ સીમ્ અભિ રૂપૈર્ અવાસયત્ ॥

સ વહ્નિઃ પુત્રઃ પિત્રોઃ પવિત્રવાન્ પુનાતિ ધીરો ભુવનાનિ માયયા ।
ધેનું ચ પૃશ્નિં વૃષભં સુરેતસં વિશ્વાહા શુક્રમ્ પયો અસ્ય દુક્ષત ॥

અયં દેવાનામ્ અપસામ્ અપસ્તમો યો જજાન રોદસી વિશ્વશમ્ભુવા ।
વિ યો મમે રજસી સુક્રતૂયયાજરેભિઃ સ્કમ્ભનેભિઃ સમ્ આનૃચે ॥

તે નો ગૃણાને મહિની મહિ શ્રવઃ ક્ષત્રં દ્યાવાપૃથિવી ધાસથો બૃહત્ ।
યેનાભિ કૃષ્ટીસ્ તતનામ વિશ્વહા પનાય્યમ્ ઓજો અસ્મે સમ્ ઇન્વતમ્ ॥