ઋગ્વેદ · અધ્યાય 1.154

વિષ્ણોર્ નુ કં વીર્યાણિ પ્ર વોચં યઃ પાર્થિવાનિ વિમમે રજાંસિ ।
યો અસ્કભાયદ્ ઉત્તરં સધસ્થં વિચક્રમાણસ્ ત્રેધોરુગાયઃ ॥

પ્ર તદ્ વિષ્ણુઃ સ્તવતે વીર્યેણ મૃગો ન ભીમઃ કુચરો ગિરિષ્ઠાઃ ।
યસ્યોરુષુ ત્રિષુ વિક્રમણેષ્વ્ અધિક્ષિયન્તિ ભુવનાનિ વિશ્વા ॥

પ્ર વિષ્ણવે શૂષમ્ એતુ મન્મ ગિરિક્ષિત ઉરુગાયાય વૃષ્ણે ।
ય ઇદં દીર્ઘમ્ પ્રયતં સધસ્થમ્ એકો વિમમે ત્રિભિર્ ઇત્ પદેભિઃ ॥

યસ્ય ત્રી પૂર્ણા મધુના પદાન્ય્ અક્ષીયમાણા સ્વધયા મદન્તિ ।
ય ઉ ત્રિધાતુ પૃથિવીમ્ ઉત દ્યામ્ એકો દાધાર ભુવનાનિ વિશ્વા ॥

તદ્ અસ્ય પ્રિયમ્ અભિ પાથો અશ્યાં નરો યત્ર દેવયવો મદન્તિ ।
ઉરુક્રમસ્ય સ હિ બન્ધુર્ ઇત્થા વિષ્ણોઃ પદે પરમે મધ્વ ઉત્સઃ ॥

તા વાં વાસ્તૂન્ય્ ઉશ્મસિ ગમધ્યૈ યત્ર ગાવો ભૂરિશૃઙ્ગા અયાસઃ ।
અત્રાહ તદ્ ઉરુગાયસ્ય વૃષ્ણઃ પરમમ્ પદમ્ અવ ભાતિ ભૂરિ ॥