ઋગ્વેદ · અધ્યાય 1.153

યજામહે વામ્ મહઃ સજોષા હવ્યેભિર્ મિત્રાવરુણા નમોભિઃ ।
ઘૃતૈર્ ઘૃતસ્નૂ અધ યદ્ વામ્ અસ્મે અધ્વર્યવો ન ધીતિભિર્ ભરન્તિ ॥

પ્રસ્તુતિર્ વાં ધામ ન પ્રયુક્તિર્ અયામિ મિત્રાવરુણા સુવૃક્તિઃ ।
અનક્તિ યદ્ વાં વિદથેષુ હોતા સુમ્નં વાં સૂરિર્ વૃષણાવ્ ઇયક્ષન્ ॥

પીપાય ધેનુર્ અદિતિર્ ઋતાય જનાય મિત્રાવરુણા હવિર્દે ।
હિનોતિ યદ્ વાં વિદથે સપર્યન્ સ રાતહવ્યો માનુષો ન હોતા ॥

ઉત વાં વિક્ષુ મદ્યાસ્વ્ અન્ધો ગાવ આપશ્ ચ પીપયન્ત દેવીઃ ।
ઉતો નો અસ્ય પૂર્વ્યઃ પતિર્ દન્ વીતમ્ પાતમ્ પયસ ઉસ્રિયાયાઃ ॥