ઋગ્વેદ · અધ્યાય 1.148

મથીદ્ યદ્ ઈં વિષ્ટો માતરિશ્વા હોતારં વિશ્વાપ્સું વિશ્વદેવ્યમ્ ।
નિ યં દધુર્ મનુષ્યાસુ વિક્ષુ સ્વ1ર્ ણ ચિત્રં વપુષે વિભાવમ્ ॥

દદાનમ્ ઇન્ ન દદભન્ત મન્માગ્નિર્ વરૂથમ્ મમ તસ્ય ચાકન્ ।
જુષન્ત વિશ્વાન્ય્ અસ્ય કર્મોપસ્તુતિમ્ ભરમાણસ્ય કારોઃ ॥

નિત્યે ચિન્ નુ યં સદને જગૃભ્રે પ્રશસ્તિભિર્ દધિરે યજ્ઞિયાસઃ ।
પ્ર સૂ નયન્ત ગૃભયન્ત ઇષ્ટાવ્ અશ્વાસો ન રથ્યો રારહાણાઃ ॥

પુરૂણિ દસ્મો નિ રિણાતિ જમ્ભૈર્ આદ્ રોચતે વન આ વિભાવા ।
આદ્ અસ્ય વાતો અનુ વાતિ શોચિર્ અસ્તુર્ ન શર્યામ્ અસનામ્ અનુ દ્યૂન્ ॥

ન યં રિપવો ન રિષણ્યવો ગર્ભે સન્તં રેષણા રેષયન્તિ ।
અન્ધા અપશ્યા ન દભન્ન્ અભિખ્યા નિત્યાસ ઈમ્ પ્રેતારો અરક્ષન્ ॥