ઋગ્વેદ · અધ્યાય 1.149

મહઃ સ રાય એષતે પતિર્ દન્ન્ ઇન ઇનસ્ય વસુનઃ પદ આ ।
ઉપ ધ્રજન્તમ્ અદ્રયો વિધન્ન્ ઇત્ ॥

સ યો વૃષા નરાં ન રોદસ્યોઃ શ્રવોભિર્ અસ્તિ જીવપીતસર્ગઃ ।
પ્ર યઃ સસ્રાણઃ શિશ્રીત યોનૌ ॥

આ યઃ પુરં નાર્મિણીમ્ અદીદેદ્ અત્યઃ કવિર્ નભન્યો3 નાર્વા ।
સૂરો ન રુરુક્વાઞ્ છતાત્મા ॥

અભિ દ્વિજન્મા ત્રી રોચનાનિ વિશ્વા રજાંસિ શુશુચાનો અસ્થાત્ ।
હોતા યજિષ્ઠો અપાં સધસ્થે ॥

અયં સ હોતા યો દ્વિજન્મા વિશ્વા દધે વાર્યાણિ શ્રવસ્યા ।
મર્તો યો અસ્મૈ સુતુકો દદાશ ॥