ઋગ્વેદ · અધ્યાય 1.143

પ્ર તવ્યસીં નવ્યસીં ધીતિમ્ અગ્નયે વાચો મતિં સહસઃ સૂનવે ભરે ।
અપાં નપાદ્ યો વસુભિઃ સહ પ્રિયો હોતા પૃથિવ્યાં ન્ય્ અસીદદ્ ઋત્વિયઃ ॥

સ જાયમાનઃ પરમે વ્યોમન્ય્ આવિર્ અગ્નિર્ અભવન્ માતરિશ્વને ।
અસ્ય ક્રત્વા સમિધાનસ્ય મજ્મના પ્ર દ્યાવા શોચિઃ પૃથિવી અરોચયત્ ॥

અસ્ય ત્વેષા અજરા અસ્ય ભાનવઃ સુસંદૃશઃ સુપ્રતીકસ્ય સુદ્યુતઃ ।
ભાત્વક્ષસો અત્ય્ અક્તુર્ ન સિન્ધવો ઽગ્ને રેજન્તે અસસન્તો અજરાઃ ॥

યમ્ એરિરે ભૃગવો વિશ્વવેદસં નાભા પૃથિવ્યા ભુવનસ્ય મજ્મના ।
અગ્નિં તં ગીર્ભિર્ હિનુહિ સ્વ આ દમે ય એકો વસ્વો વરુણો ન રાજતિ ॥

ન યો વરાય મરુતામ્ ઇવ સ્વનઃ સેનેવ સૃષ્ટા દિવ્યા યથાશનિઃ ।
અગ્નિર્ જમ્ભૈસ્ તિગિતૈર્ અત્તિ ભર્વતિ યોધો ન શત્રૂન્ સ વના ન્ય્ ઋઞ્જતે ॥

કુવિન્ નો અગ્નિર્ ઉચથસ્ય વીર્ અસદ્ વસુષ્ કુવિદ્ વસુભિઃ કામમ્ આવરત્ ।
ચોદઃ કુવિત્ તુતુજ્યાત્ સાતયે ધિયઃ શુચિપ્રતીકં તમ્ અયા ધિયા ગૃણે ॥

ઘૃતપ્રતીકં વ ઋતસ્ય ધૂર્ષદમ્ અગ્નિમ્ મિત્રં ન સમિધાન ઋઞ્જતે ।
ઇન્ધાનો અક્રો વિદથેષુ દીદ્યચ્ છુક્રવર્ણામ્ ઉદ્ ઉ નો યંસતે ધિયમ્ ॥

અપ્રયુચ્છન્ન્ અપ્રયુચ્છદ્ભિર્ અગ્ને શિવેભિર્ નઃ પાયુભિઃ પાહિ શગ્મૈઃ ।
અદબ્ધેભિર્ અદૃપિતેભિર્ ઇષ્ટે ઽનિમિષદ્ભિઃ પરિ પાહિ નો જાઃ ॥