ઋગ્વેદ · અધ્યાય 1.137

સુષુમા યાતમ્ અદ્રિભિર્ ગોશ્રીતા મત્સરા ઇમે સોમાસો મત્સરા ઇમે ।
આ રાજાના દિવિસ્પૃશાસ્મત્રા ગન્તમ્ ઉપ નઃ ।
ઇમે વામ્ મિત્રાવરુણા ગવાશિરઃ સોમાઃ શુક્રા ગવાશિરઃ ॥

ઇમ આ યાતમ્ ઇન્દવઃ સોમાસો દધ્યાશિરઃ સુતાસો દધ્યાશિરઃ ।
ઉત વામ્ ઉષસો બુધિ સાકં સૂર્યસ્ય રશ્મિભિઃ ।
સુતો મિત્રાય વરુણાય પીતયે ચારુર્ ઋતાય પીતયે ॥

તાં વાં ધેનું ન વાસરીમ્ અંશું દુહન્ત્ય્ અદ્રિભિઃ સોમં દુહન્ત્ય્ અદ્રિભિઃ ।
અસ્મત્રા ગન્તમ્ ઉપ નો ઽર્વાઞ્ચા સોમપીતયે ।
અયં વામ્ મિત્રાવરુણા નૃભિઃ સુતઃ સોમ આ પીતયે સુતઃ ॥