ઋગ્વેદ · અધ્યાય 1.123

પૃથૂ રથો દક્ષિણાયા અયોજ્ય્ ઐનં દેવાસો અમૃતાસો અસ્થુઃ ।
કૃષ્ણાદ્ ઉદ્ અસ્થાદ્ અર્યા3 વિહાયાશ્ ચિકિત્સન્તી માનુષાય ક્ષયાય ॥

પૂર્વા વિશ્વસ્માદ્ ભુવનાદ્ અબોધિ જયન્તી વાજમ્ બૃહતી સનુત્રી ।
ઉચ્ચા વ્ય્ અખ્યદ્ યુવતિઃ પુનર્ભૂર્ ઓષા અગન્ પ્રથમા પૂર્વહૂતૌ ॥

યદ્ અદ્ય ભાગં વિભજાસિ નૃભ્ય ઉષો દેવિ મર્ત્યત્રા સુજાતે ।
દેવો નો અત્ર સવિતા દમૂના અનાગસો વોચતિ સૂર્યાય ॥

ગૃહં-ગૃહમ્ અહના યાત્ય્ અચ્છા દિવે-દિવે અધિ નામા દધાના ।
સિષાસન્તી દ્યોતના શશ્વદ્ આગાદ્ અગ્રમ્-અગ્રમ્ ઇદ્ ભજતે વસૂનામ્ ॥

ભગસ્ય સ્વસા વરુણસ્ય જામિર્ ઉષઃ સૂનૃતે પ્રથમા જરસ્વ ।
પશ્ચા સ દઘ્યા યો અઘસ્ય ધાતા જયેમ તં દક્ષિણયા રથેન ॥

ઉદ્ ઈરતાં સૂનૃતા ઉત્ પુરંધીર્ ઉદ્ અગ્નયઃ શુશુચાનાસો અસ્થુઃ ।
સ્પાર્હા વસૂનિ તમસાપગૂળ્હાવિષ્ કૃણ્વન્ત્ય્ ઉષસો વિભાતીઃ ॥

અપાન્યદ્ એત્ય્ અભ્ય્ અ1ન્યદ્ એતિ વિષુરૂપે અહની સં ચરેતે ।
પરિક્ષિતોસ્ તમો અન્યા ગુહાકર્ અદ્યૌદ્ ઉષાઃ શોશુચતા રથેન ॥

સદૃશીર્ અદ્ય સદૃશીર્ ઇદ્ ઉ શ્વો દીર્ઘં સચન્તે વરુણસ્ય ધામ ।
અનવદ્યાસ્ ત્રિંશતં યોજનાન્ય્ એકૈકા ક્રતુમ્ પરિ યન્તિ સદ્યઃ ॥

જાનત્ય્ અહ્નઃ પ્રથમસ્ય નામ શુક્રા કૃષ્ણાદ્ અજનિષ્ટ શ્વિતીચી ।
ઋતસ્ય યોષા ન મિનાતિ ધામાહર્-અહર્ નિષ્કૃતમ્ આચરન્તી ॥

કન્યેવ તન્વા3 શાશદાનાઁ એષિ દેવિ દેવમ્ ઇયક્ષમાણમ્ ।
સંસ્મયમાના યુવતિઃ પુરસ્તાદ્ આવિર્ વક્ષાંસિ કૃણુષે વિભાતી ॥

સુસંકાશા માતૃમૃષ્ટેવ યોષાવિસ્ તન્વં કૃણુષે દૃશે કમ્ ।
ભદ્રા ત્વમ્ ઉષો વિતરં વ્ય્ ઉચ્છ ન તત્ તે અન્યા ઉષસો નશન્ત ॥

અશ્વાવતીર્ ગોમતીર્ વિશ્વવારા યતમાના રશ્મિભિઃ સૂર્યસ્ય ।
પરા ચ યન્તિ પુનર્ આ ચ યન્તિ ભદ્રા નામ વહમાના ઉષાસઃ ॥

ઋતસ્ય રશ્મિમ્ અનુયચ્છમાના ભદ્રમ્-ભદ્રં ક્રતુમ્ અસ્માસુ ધેહિ ।
ઉષો નો અદ્ય સુહવા વ્ય્ ઉચ્છાસ્માસુ રાયો મઘવત્સુ ચ સ્યુઃ ॥