ઋગ્વેદ · અધ્યાય 1.112

ઈળે દ્યાવાપૃથિવી પૂર્વચિત્તયે ઽગ્નિં ઘર્મં સુરુચં યામન્ન્ ઇષ્ટયે ।
યાભિર્ ભરે કારમ્ અંશાય જિન્વથસ્ તાભિર્ ઊ ષુ ઊતિભિર્ અશ્વિના ગતમ્ ॥

યુવોર્ દાનાય સુભરા અસશ્ચતો રથમ્ આ તસ્થુર્ વચસં ન મન્તવે ।
યાભિર્ ધિયો ઽવથઃ કર્મન્ન્ ઇષ્ટયે તાભિર્ ઊ ષુ ઊતિભિર્ અશ્વિના ગતમ્ ॥

યુવં તાસાં દિવ્યસ્ય પ્રશાસને વિશાં ક્ષયથો અમૃતસ્ય મજ્મના ।
યાભિર્ ધેનુમ્ અસ્વ1મ્ પિન્વથો નરા તાભિર્ ઊ ષુ ઊતિભિર્ અશ્વિના ગતમ્ ॥

યાભિઃ પરિજ્મા તનયસ્ય મજ્મના દ્વિમાતા તૂર્ષુ તરણિર્ વિભૂષતિ ।
યાભિસ્ ત્રિમન્તુર્ અભવદ્ વિચક્ષણસ્ તાભિર્ ઊ ષુ ઊતિભિર્ અશ્વિના ગતમ્ ॥

યાભી રેભં નિવૃતં સિતમ્ અદ્ભ્ય ઉદ્ વન્દનમ્ ઐરયતં સ્વર્ દૃશે ।
યાભિઃ કણ્વમ્ પ્ર સિષાસન્તમ્ આવતં તાભિર્ ઊ ષુ ઊતિભિર્ અશ્વિના ગતમ્ ॥

યાભિર્ અન્તકં જસમાનમ્ આરણે ભુજ્યું યાભિર્ અવ્યથિભિર્ જિજિન્વથુઃ ।
યાભિઃ કર્કન્ધું વય્યં ચ જિન્વથસ્ તાભિર્ ઊ ષુ ઊતિભિર્ અશ્વિના ગતમ્ ॥

યાભિઃ શુચન્તિં ધનસાં સુષંસદં તપ્તં ઘર્મમ્ ઓમ્યાવન્તમ્ અત્રયે ।
યાભિઃ પૃશ્નિગુમ્ પુરુકુત્સમ્ આવતં તાભિર્ ઊ ષુ ઊતિભિર્ અશ્વિના ગતમ્ ॥

યાભિઃ શચીભિર્ વૃષણા પરાવૃજમ્ પ્રાન્ધં શ્રોણં ચક્ષસ એતવે કૃથઃ ।
યાભિર્ વર્તિકાં ગ્રસિતામ્ અમુઞ્ચતં તાભિર્ ઊ ષુ ઊતિભિર્ અશ્વિના ગતમ્ ॥

યાભિઃ સિન્ધુમ્ મધુમન્તમ્ અસશ્ચતં વસિષ્ઠં યાભિર્ અજરાવ્ અજિન્વતમ્ ।
યાભિઃ કુત્સં શ્રુતર્યં નર્યમ્ આવતં તાભિર્ ઊ ષુ ઊતિભિર્ અશ્વિના ગતમ્ ॥

યાભિર્ વિશ્પલાં ધનસામ્ અથર્વ્યં સહસ્રમીળ્હ આજાવ્ અજિન્વતમ્ ।
યાભિર્ વશમ્ અશ્વ્યમ્ પ્રેણિમ્ આવતં તાભિર્ ઊ ષુ ઊતિભિર્ અશ્વિના ગતમ્ ॥

યાભિઃ સુદાનૂ ઔશિજાય વણિજે દીર્ઘશ્રવસે મધુ કોશો અક્ષરત્ ।
કક્ષીવન્તં સ્તોતારં યાભિર્ આવતં તાભિર્ ઊ ષુ ઊતિભિર્ અશ્વિના ગતમ્ ॥

યાભી રસાં ક્ષોદસોદ્નઃ પિપિન્વથુર્ અનશ્વં યાભી રથમ્ આવતં જિષે ।
યાભિસ્ ત્રિશોક ઉસ્રિયા ઉદાજત તાભિર્ ઊ ષુ ઊતિભિર્ અશ્વિના ગતમ્ ॥

યાભિઃ સૂર્યમ્ પરિયાથઃ પરાવતિ મન્ધાતારં ક્ષૈત્રપત્યેષ્વ્ આવતમ્ ।
યાભિર્ વિપ્રમ્ પ્ર ભરદ્વાજમ્ આવતં તાભિર્ ઊ ષુ ઊતિભિર્ અશ્વિના ગતમ્ ॥

યાભિર્ મહામ્ અતિથિગ્વં કશોજુવં દિવોદાસં શમ્બરહત્ય આવતમ્ ।
યાભિઃ પૂર્ભિદ્યે ત્રસદસ્યુમ્ આવતં તાભિર્ ઊ ષુ ઊતિભિર્ અશ્વિના ગતમ્ ॥

યાભિર્ વમ્રં વિપિપાનમ્ ઉપસ્તુતં કલિં યાભિર્ વિત્તજાનિં દુવસ્યથઃ ।
યાભિર્ વ્યશ્વમ્ ઉત પૃથિમ્ આવતં તાભિર્ ઊ ષુ ઊતિભિર્ અશ્વિના ગતમ્ ॥

યાભિર્ નરા શયવે યાભિર્ અત્રયે યાભિઃ પુરા મનવે ગાતુમ્ ઈષથુઃ ।
યાભિઃ શારીર્ આજતં સ્યૂમરશ્મયે તાભિર્ ઊ ષુ ઊતિભિર્ અશ્વિના ગતમ્ ॥

યાભિઃ પઠર્વા જઠરસ્ય મજ્મનાગ્નિર્ નાદીદેચ્ ચિત ઇદ્ધો અજ્મન્ન્ આ ।
યાભિઃ શર્યાતમ્ અવથો મહાધને તાભિર્ ઊ ષુ ઊતિભિર્ અશ્વિના ગતમ્ ॥

યાભિર્ અઙ્ગિરો મનસા નિરણ્યથો ઽગ્રં ગચ્છથો વિવરે ગોઅર્ણસઃ ।
યાભિર્ મનું શૂરમ્ ઇષા સમાવતં તાભિર્ ઊ ષુ ઊતિભિર્ અશ્વિના ગતમ્ ॥

યાભિઃ પત્નીર્ વિમદાય ન્યૂહથુર્ આ ઘ વા યાભિર્ અરુણીર્ અશિક્ષતમ્ ।
યાભિઃ સુદાસ ઊહથુઃ સુદેવ્ય1ં તાભિર્ ઊ ષુ ઊતિભિર્ અશ્વિના ગતમ્ ॥

યાભિઃ શંતાતી ભવથો દદાશુષે ભુજ્યું યાભિર્ અવથો યાભિર્ અધ્રિગુમ્ ।
ઓમ્યાવતીં સુભરામ્ ઋતસ્તુભં તાભિર્ ઊ ષુ ઊતિભિર્ અશ્વિના ગતમ્ ॥

યાભિઃ કૃશાનુમ્ અસને દુવસ્યથો જવે યાભિર્ યૂનો અર્વન્તમ્ આવતમ્ ।
મધુ પ્રિયમ્ ભરથો યત્ સરડ્ભ્યસ્ તાભિર્ ઊ ષુ ઊતિભિર્ અશ્વિના ગતમ્ ॥

યાભિર્ નરં ગોષુયુધં નૃષાહ્યે ક્ષેત્રસ્ય સાતા તનયસ્ય જિન્વથઃ ।
યાભી રથાઁ અવથો યાભિર્ અર્વતસ્ તાભિર્ ઊ ષુ ઊતિભિર્ અશ્વિના ગતમ્ ॥

યાભિઃ કુત્સમ્ આર્જુનેયં શતક્રતૂ પ્ર તુર્વીતિમ્ પ્ર ચ દભીતિમ્ આવતમ્ ।
યાભિર્ ધ્વસન્તિમ્ પુરુષન્તિમ્ આવતં તાભિર્ ઊ ષુ ઊતિભિર્ અશ્વિના ગતમ્ ॥

અપ્નસ્વતીમ્ અશ્વિના વાચમ્ અસ્મે કૃતં નો દસ્રા વૃષણા મનીષામ્ ।
અદ્યૂત્યે ઽવસે નિ હ્વયે વાં વૃધે ચ નો ભવતં વાજસાતૌ ॥

દ્યુભિર્ અક્તુભિઃ પરિ પાતમ્ અસ્માન્ અરિષ્ટેભિર્ અશ્વિના સૌભગેભિઃ ।
તન્ નો મિત્રો વરુણો મામહન્તામ્ અદિતિઃ સિન્ધુઃ પૃથિવી ઉત દ્યૌઃ ॥