ઋગ્વેદ · અધ્યાય 1.108

ય ઇન્દ્રાગ્ની ચિત્રતમો રથો વામ્ અભિ વિશ્વાનિ ભુવનાનિ ચષ્ટે ।
તેના યાતં સરથં તસ્થિવાંસાથા સોમસ્ય પિબતં સુતસ્ય ॥

યાવદ્ ઇદમ્ ભુવનં વિશ્વમ્ અસ્ત્ય્ ઉરુવ્યચા વરિમતા ગભીરમ્ ।
તાવાઁ અયમ્ પાતવે સોમો અસ્ત્વ્ અરમ્ ઇન્દ્રાગ્ની મનસે યુવભ્યામ્ ॥

ચક્રાથે હિ સધ્ર્ય1ઙ્ નામ ભદ્રં સધ્રીચીના વૃત્રહણા ઉત સ્થઃ ।
તાવ્ ઇન્દ્રાગ્ની સધ્ર્યઞ્ચા નિષદ્યા વૃષ્ણઃ સોમસ્ય વૃષણા વૃષેથામ્ ॥

સમિદ્ધેષ્વ્ અગ્નિષ્વ્ આનજાના યતસ્રુચા બર્હિર્ ઉ તિસ્તિરાણા ।
તીવ્રૈઃ સોમૈઃ પરિષિક્તેભિર્ અર્વાગ્ એન્દ્રાગ્ની સૌમનસાય યાતમ્ ॥

યાનીન્દ્રાગ્ની ચક્રથુર્ વીર્યાણિ યાનિ રૂપાણ્ય્ ઉત વૃષ્ણ્યાનિ ।
યા વામ્ પ્રત્નાનિ સખ્યા શિવાનિ તેભિઃ સોમસ્ય પિબતં સુતસ્ય ॥

યદ્ અબ્રવમ્ પ્રથમં વાં વૃણાનો3 ઽયં સોમો અસુરૈર્ નો વિહવ્યઃ ।
તાં સત્યાં શ્રદ્ધામ્ અભ્ય્ આ હિ યાતમ્ અથા સોમસ્ય પિબતં સુતસ્ય ॥

યદ્ ઇન્દ્રાગ્ની મદથઃ સ્વે દુરોણે યદ્ બ્રહ્મણિ રાજનિ વા યજત્રા ।
અતઃ પરિ વૃષણાવ્ આ હિ યાતમ્ અથા સોમસ્ય પિબતં સુતસ્ય ॥

યદ્ ઇન્દ્રાગ્ની યદુષુ તુર્વશેષુ યદ્ દ્રુહ્યુષ્વ્ અનુષુ પૂરુષુ સ્થઃ ।
અતઃ પરિ વૃષણાવ્ આ હિ યાતમ્ અથા સોમસ્ય પિબતં સુતસ્ય ॥

યદ્ ઇન્દ્રાગ્ની અવમસ્યામ્ પૃથિવ્યામ્ મધ્યમસ્યામ્ પરમસ્યામ્ ઉત સ્થઃ ।
અતઃ પરિ વૃષણાવ્ આ હિ યાતમ્ અથા સોમસ્ય પિબતં સુતસ્ય ॥

યદ્ ઇન્દ્રાગ્ની પરમસ્યામ્ પૃથિવ્યામ્ મધ્યમસ્યામ્ અવમસ્યામ્ ઉત સ્થઃ ।
અતઃ પરિ વૃષણાવ્ આ હિ યાતમ્ અથા સોમસ્ય પિબતં સુતસ્ય ॥

યદ્ ઇન્દ્રાગ્ની દિવિ ષ્ઠો યત્ પૃથિવ્યાં યત્ પર્વતેષ્વ્ ઓષધીષ્વ્ અપ્સુ ।
અતઃ પરિ વૃષણાવ્ આ હિ યાતમ્ અથા સોમસ્ય પિબતં સુતસ્ય ॥

યદ્ ઇન્દ્રાગ્ની ઉદિતા સૂર્યસ્ય મધ્યે દિવઃ સ્વધયા માદયેથે ।
અતઃ પરિ વૃષણાવ્ આ હિ યાતમ્ અથા સોમસ્ય પિબતં સુતસ્ય ॥

એવેન્દ્રાગ્ની પપિવાંસા સુતસ્ય વિશ્વાસ્મભ્યં સં જયતં ધનાનિ ।
તન્ નો મિત્રો વરુણો મામહન્તામ્ અદિતિઃ સિન્ધુઃ પૃથિવી ઉત દ્યૌઃ ॥