ઋગ્વેદ · અધ્યાય 1.107

યજ્ઞો દેવાનામ્ પ્રત્ય્ એતિ સુમ્નમ્ આદિત્યાસો ભવતા મૃળયન્તઃ ।
આ વો ઽર્વાચી સુમતિર્ વવૃત્યાદ્ અંહોશ્ ચિદ્ યા વરિવોવિત્તરાસત્ ॥

ઉપ નો દેવા અવસા ગમન્ત્વ્ અઙ્ગિરસાં સામભિઃ સ્તૂયમાનાઃ ।
ઇન્દ્ર ઇન્દ્રિયૈર્ મરુતો મરુદ્ભિર્ આદિત્યૈર્ નો અદિતિઃ શર્મ યંસત્ ॥

તન્ ન ઇન્દ્રસ્ તદ્ વરુણસ્ તદ્ અગ્નિસ્ તદ્ અર્યમા તત્ સવિતા ચનો ધાત્ ।
તન્ નો મિત્રો વરુણો મામહન્તામ્ અદિતિઃ સિન્ધુઃ પૃથિવી ઉત દ્યૌઃ ॥