ઋગ્વેદ · અધ્યાય 1.101

પ્ર મન્દિને પિતુમદ્ અર્ચતા વચો યઃ કૃષ્ણગર્ભા નિરહન્ન્ ઋજિશ્વના ।
અવસ્યવો વૃષણં વજ્રદક્ષિણમ્ મરુત્વન્તં સખ્યાય હવામહે ॥

યો વ્યંસં જાહૃષાણેન મન્યુના યઃ શમ્બરં યો અહન્ પિપ્રુમ્ અવ્રતમ્ ।
ઇન્દ્રો યઃ શુષ્ણમ્ અશુષં ન્ય્ આવૃણઙ્ મરુત્વન્તં સખ્યાય હવામહે ॥

યસ્ય દ્યાવાપૃથિવી પૌંસ્યમ્ મહદ્ યસ્ય વ્રતે વરુણો યસ્ય સૂર્યઃ ।
યસ્યેન્દ્રસ્ય સિન્ધવઃ સશ્ચતિ વ્રતમ્ મરુત્વન્તં સખ્યાય હવામહે ॥

યો અશ્વાનાં યો ગવાં ગોપતિર્ વશી ય આરિતઃ કર્મણિ-કર્મણિ સ્થિરઃ ।
વીળોશ્ ચિદ્ ઇન્દ્રો યો અસુન્વતો વધો મરુત્વન્તં સખ્યાય હવામહે ॥

યો વિશ્વસ્ય જગતઃ પ્રાણતસ્ પતિર્ યો બ્રહ્મણે પ્રથમો ગા અવિન્દત્ ।
ઇન્દ્રો યો દસ્યૂઁર્ અધરાઁ અવાતિરન્ મરુત્વન્તં સખ્યાય હવામહે ॥

યઃ શૂરેભિર્ હવ્યો યશ્ ચ ભીરુભિર્ યો ધાવદ્ભિર્ હૂયતે યશ્ ચ જિગ્યુભિઃ ।
ઇન્દ્રં યં વિશ્વા ભુવનાભિ સંદધુર્ મરુત્વન્તં સખ્યાય હવામહે ॥

રુદ્રાણામ્ એતિ પ્રદિશા વિચક્ષણો રુદ્રેભિર્ યોષા તનુતે પૃથુ જ્રયઃ ।
ઇન્દ્રમ્ મનીષા અભ્ય્ અર્ચતિ શ્રુતમ્ મરુત્વન્તં સખ્યાય હવામહે ॥

યદ્ વા મરુત્વઃ પરમે સધસ્થે યદ્ વાવમે વૃજને માદયાસે ।
અત આ યાહ્ય્ અધ્વરં નો અચ્છા ત્વાયા હવિશ્ ચકૃમા સત્યરાધઃ ॥

ત્વાયેન્દ્ર સોમં સુષુમા સુદક્ષ ત્વાયા હવિશ્ ચકૃમા બ્રહ્મવાહઃ ।
અધા નિયુત્વઃ સગણો મરુદ્ભિર્ અસ્મિન્ યજ્ઞે બર્હિષિ માદયસ્વ ॥

માદયસ્વ હરિભિર્ યે ત ઇન્દ્ર વિ ષ્યસ્વ શિપ્રે વિ સૃજસ્વ ધેને ।
આ ત્વા સુશિપ્ર હરયો વહન્તૂશન્ હવ્યાનિ પ્રતિ નો જુષસ્વ ॥

મરુત્સ્તોત્રસ્ય વૃજનસ્ય ગોપા વયમ્ ઇન્દ્રેણ સનુયામ વાજમ્ ।
તન્ નો મિત્રો વરુણો મામહન્તામ્ અદિતિઃ સિન્ધુઃ પૃથિવી ઉત દ્યૌઃ ॥