ઋગ્વેદ · અધ્યાય 1.100

સ યો વૃષા વૃષ્ણ્યેભિઃ સમોકા મહો દિવઃ પૃથિવ્યાશ્ ચ સમ્રાટ્ ।
સતીનસત્વા હવ્યો ભરેષુ મરુત્વાન્ નો ભવત્વ્ ઇન્દ્ર ઊતી ॥

યસ્યાનાપ્તઃ સૂર્યસ્યેવ યામો ભરે-ભરે વૃત્રહા શુષ્મો અસ્તિ ।
વૃષન્તમઃ સખિભિઃ સ્વેભિર્ એવૈર્ મરુત્વાન્ નો ભવત્વ્ ઇન્દ્ર ઊતી ॥

દિવો ન યસ્ય રેતસો દુઘાનાઃ પન્થાસો યન્તિ શવસાપરીતાઃ ।
તરદ્દ્વેષાઃ સાસહિઃ પૌંસ્યેભિર્ મરુત્વાન્ નો ભવત્વ્ ઇન્દ્ર ઊતી ॥

સો અઙ્ગિરોભિર્ અઙ્ગિરસ્તમો ભૂદ્ વૃષા વૃષભિઃ સખિભિઃ સખા સન્ ।
ઋગ્મિભિર્ ઋગ્મી ગાતુભિર્ જ્યેષ્ઠો મરુત્વાન્ નો ભવત્વ્ ઇન્દ્ર ઊતી ॥

સ સૂનુભિર્ ન રુદ્રેભિર્ ઋભ્વા નૃષાહ્યે સાસહ્વાઁ અમિત્રાન્ ।
સનીળેભિઃ શ્રવસ્યાનિ તૂર્વન્ મરુત્વાન્ નો ભવત્વ્ ઇન્દ્ર ઊતી ॥

સ મન્યુમીઃ સમદનસ્ય કર્તાસ્માકેભિર્ નૃભિઃ સૂર્યં સનત્ ।
અસ્મિન્ન્ અહન્ સત્પતિઃ પુરુહૂતો મરુત્વાન્ નો ભવત્વ્ ઇન્દ્ર ઊતી ॥

તમ્ ઊતયો રણયઞ્ છૂરસાતૌ તં ક્ષેમસ્ય ક્ષિતયઃ કૃણ્વત ત્રામ્ ।
સ વિશ્વસ્ય કરુણસ્યેશ એકો મરુત્વાન્ નો ભવત્વ્ ઇન્દ્ર ઊતી ॥

તમ્ અપ્સન્ત શવસ ઉત્સવેષુ નરો નરમ્ અવસે તં ધનાય ।
સો અન્ધે ચિત્ તમસિ જ્યોતિર્ વિદન્ મરુત્વાન્ નો ભવત્વ્ ઇન્દ્ર ઊતી ॥

સ સવ્યેન યમતિ વ્રાધતશ્ ચિત્ સ દક્ષિણે સંગૃભીતા કૃતાનિ ।
સ કીરિણા ચિત્ સનિતા ધનાનિ મરુત્વાન્ નો ભવત્વ્ ઇન્દ્ર ઊતી ॥

સ ગ્રામેભિઃ સનિતા સ રથેભિર્ વિદે વિશ્વાભિઃ કૃષ્ટિભિર્ ન્વ્ અ1દ્ય ।
સ પૌંસ્યેભિર્ અભિભૂર્ અશસ્તીર્ મરુત્વાન્ નો ભવત્વ્ ઇન્દ્ર ઊતી ॥

સ જામિભિર્ યત્ સમજાતિ મીળ્હે ઽજામિભિર્ વા પુરુહૂત એવૈઃ ।
અપાં તોકસ્ય તનયસ્ય જેષે મરુત્વાન્ નો ભવત્વ્ ઇન્દ્ર ઊતી ॥

સ વજ્રભૃદ્ દસ્યુહા ભીમ ઉગ્રઃ સહસ્રચેતાઃ શતનીથ ઋભ્વા ।
ચમ્રીષો ન શવસા પાઞ્ચજન્યો મરુત્વાન્ નો ભવત્વ્ ઇન્દ્ર ઊતી ॥

તસ્ય વજ્રઃ ક્રન્દતિ સ્મત્ સ્વર્ષા દિવો ન ત્વેષો રવથઃ શિમીવાન્ ।
તં સચન્તે સનયસ્ તં ધનાનિ મરુત્વાન્ નો ભવત્વ્ ઇન્દ્ર ઊતી ॥

યસ્યાજસ્રં શવસા માનમ્ ઉક્થમ્ પરિભુજદ્ રોદસી વિશ્વતઃ સીમ્ ।
સ પારિષત્ ક્રતુભિર્ મન્દસાનો મરુત્વાન્ નો ભવત્વ્ ઇન્દ્ર ઊતી ॥

ન યસ્ય દેવા દેવતા ન મર્તા આપશ્ ચન શવસો અન્તમ્ આપુઃ ।
સ પ્રરિક્વા ત્વક્ષસા ક્ષ્મો દિવશ્ ચ મરુત્વાન્ નો ભવત્વ્ ઇન્દ્ર ઊતી ॥

રોહિચ્ છ્યાવા સુમદંશુર્ લલામીર્ દ્યુક્ષા રાય ઋજ્રાશ્વસ્ય ।
વૃષણ્વન્તમ્ બિભ્રતી ધૂર્ષુ રથમ્ મન્દ્રા ચિકેત નાહુષીષુ વિક્ષુ ॥

એતત્ ત્યત્ ત ઇન્દ્ર વૃષ્ણ ઉક્થં વાર્ષાગિરા અભિ ગૃણન્તિ રાધઃ ।
ઋજ્રાશ્વઃ પ્રષ્ટિભિર્ અમ્બરીષઃ સહદેવો ભયમાનઃ સુરાધાઃ ॥

દસ્યૂઞ્ છિમ્યૂઁશ્ ચ પુરુહૂત એવૈર્ હત્વા પૃથિવ્યાં શર્વા નિ બર્હીત્ ।
સનત્ ક્ષેત્રં સખિભિઃ શ્વિત્ન્યેભિઃ સનત્ સૂર્યં સનદ્ અપઃ સુવજ્રઃ ॥

વિશ્વાહેન્દ્રો અધિવક્તા નો અસ્ત્વ્ અપરિહ્વૃતાઃ સનુયામ વાજમ્ ।
તન્ નો મિત્રો વરુણો મામહન્તામ્ અદિતિઃ સિન્ધુઃ પૃથિવી ઉત દ્યૌઃ ॥