ઋગ્વેદ · અધ્યાય 1.090

ઋજુનીતી નો વરુણો મિત્રો નયતુ વિદ્વાન્ ।
અર્યમા દેવૈઃ સજોષાઃ ॥

તે હિ વસ્વો વસવાનાસ્ તે અપ્રમૂરા મહોભિઃ ।
વ્રતા રક્ષન્તે વિશ્વાહા ॥

તે અસ્મભ્યં શર્મ યંસન્ન્ અમૃતા મર્ત્યેભ્યઃ ।
બાધમાના અપ દ્વિષઃ ॥

વિ નઃ પથઃ સુવિતાય ચિયન્ત્વ્ ઇન્દ્રો મરુતઃ ।
પૂષા ભગો વન્દ્યાસઃ ॥

ઉત નો ધિયો ગોઅગ્રાઃ પૂષન્ વિષ્ણવ્ એવયાવઃ ।
કર્તા નઃ સ્વસ્તિમતઃ ॥

મધુ વાતા ઋતાયતે મધુ ક્ષરન્તિ સિન્ધવઃ ।
માધ્વીર્ નઃ સન્ત્વ્ ઓષધીઃ ॥

મધુ નક્તમ્ ઉતોષસો મધુમત્ પાર્થિવં રજઃ ।
મધુ દ્યૌર્ અસ્તુ નઃ પિતા ॥

મધુમાન્ નો વનસ્પતિર્ મધુમાઁ અસ્તુ સૂર્યઃ ।
માધ્વીર્ ગાવો ભવન્તુ નઃ ॥

શં નો મિત્રઃ શં વરુણઃ શં નો ભવત્વ્ અર્યમા ।
શં ન ઇન્દ્રો બૃહસ્પતિઃ શં નો વિષ્ણુર્ ઉરુક્રમઃ ॥