ઋગ્વેદ · અધ્યાય 1.088

આ વિદ્યુન્મદ્ભિર્ મરુતઃ સ્વર્કૈ રથેભિર્ યાત ઋષ્ટિમદ્ભિર્ અશ્વપર્ણૈઃ ।
આ વર્ષિષ્ઠયા ન ઇષા વયો ન પપ્તતા સુમાયાઃ ॥

તે ઽરુણેભિર્ વરમ્ આ પિશઙ્ગૈઃ શુભે કં યાન્તિ રથતૂર્ભિર્ અશ્વૈઃ ।
રુક્મો ન ચિત્રઃ સ્વધિતીવાન્ પવ્યા રથસ્ય જઙ્ઘનન્ત ભૂમ ॥

શ્રિયે કં વો અધિ તનૂષુ વાશીર્ મેધા વના ન કૃણવન્ત ઊર્ધ્વા ।
યુષ્મભ્યં કમ્ મરુતઃ સુજાતાસ્ તુવિદ્યુમ્નાસો ધનયન્તે અદ્રિમ્ ॥

અહાનિ ગૃધ્રાઃ પર્ય્ આ વ આગુર્ ઇમાં ધિયં વાર્કાર્યાં ચ દેવીમ્ ।
બ્રહ્મ કૃણ્વન્તો ગોતમાસો અર્કૈર્ ઊર્ધ્વં નુનુદ્ર ઉત્સધિમ્ પિબધ્યૈ ॥

એતત્ ત્યન્ ન યોજનમ્ અચેતિ સસ્વર્ હ યન્ મરુતો ગોતમો વઃ ।
પશ્યન્ હિરણ્યચક્રાન્ અયોદંષ્ટ્રાન્ વિધાવતો વરાહૂન્ ॥

એષા સ્યા વો મરુતો ઽનુભર્ત્રી પ્રતિ ષ્ટોભતિ વાઘતો ન વાણી ।
અસ્તોભયદ્ વૃથાસામ્ અનુ સ્વધાં ગભસ્ત્યોઃ ॥