ઋગ્વેદ · અધ્યાય 1.083

અશ્વાવતિ પ્રથમો ગોષુ ગચ્છતિ સુપ્રાવીર્ ઇન્દ્ર મર્ત્યસ્ તવોતિભિઃ ।
તમ્ ઇત્ પૃણક્ષિ વસુના ભવીયસા સિન્ધુમ્ આપો યથાભિતો વિચેતસઃ ॥

આપો ન દેવીર્ ઉપ યન્તિ હોત્રિયમ્ અવઃ પશ્યન્તિ વિતતં યથા રજઃ ।
પ્રાચૈર્ દેવાસઃ પ્ર ણયન્તિ દેવયુમ્ બ્રહ્મપ્રિયં જોષયન્તે વરા ઇવ ॥

અધિ દ્વયોર્ અદધા ઉક્થ્ય1ં વચો યતસ્રુચા મિથુના યા સપર્યતઃ ।
અસંયત્તો વ્રતે તે ક્ષેતિ પુષ્યતિ ભદ્રા શક્તિર્ યજમાનાય સુન્વતે ॥

આદ્ અઙ્ગિરાઃ પ્રથમં દધિરે વય ઇદ્ધાગ્નયઃ શમ્યા યે સુકૃત્યયા ।
સર્વમ્ પણેઃ સમ્ અવિન્દન્ત ભોજનમ્ અશ્વાવન્તં ગોમન્તમ્ આ પશું નરઃ ॥

યજ્ઞૈર્ અથર્વા પ્રથમઃ પથસ્ તતે તતઃ સૂર્યો વ્રતપા વેન આજનિ ।
આ ગા આજદ્ ઉશના કાવ્યઃ સચા યમસ્ય જાતમ્ અમૃતં યજામહે ॥

બર્હિર્ વા યત્ સ્વપત્યાય વૃજ્યતે ઽર્કો વા શ્લોકમ્ આઘોષતે દિવિ ।
ગ્રાવા યત્ર વદતિ કારુર્ ઉક્થ્ય1સ્ તસ્યેદ્ ઇન્દ્રો અભિપિત્વેષુ રણ્યતિ ॥