ઋગ્વેદ · અધ્યાય 1.082

ઉપો ષુ શૃણુહી ગિરો મઘવન્ માતથા ઇવ ।
યદા નઃ સૂનૃતાવતઃ કર આદ્ અર્થયાસ ઇદ્ યોજા ન્વ્ ઇન્દ્ર તે હરી ॥

અક્ષન્ન્ અમીમદન્ત હ્ય્ અવ પ્રિયા અધૂષત ।
અસ્તોષત સ્વભાનવો વિપ્રા નવિષ્ઠયા મતી યોજા ન્વ્ ઇન્દ્ર તે હરી ॥

સુસંદૃશં ત્વા વયમ્ મઘવન્ વન્દિષીમહિ ।
પ્ર નૂનમ્ પૂર્ણવન્ધુરઃ સ્તુતો યાહિ વશાઁ અનુ યોજા ન્વ્ ઇન્દ્ર તે હરી ॥

સ ઘા તં વૃષણં રથમ્ અધિ તિષ્ઠાતિ ગોવિદમ્ ।
યઃ પાત્રં હારિયોજનમ્ પૂર્ણમ્ ઇન્દ્ર ચિકેતતિ યોજા ન્વ્ ઇન્દ્ર તે હરી ॥

યુક્તસ્ તે અસ્તુ દક્ષિણ ઉત સવ્યઃ શતક્રતો ।
તેન જાયામ્ ઉપ પ્રિયામ્ મન્દાનો યાહ્ય્ અન્ધસો યોજા ન્વ્ ઇન્દ્ર તે હરી ॥

યુનજ્મિ તે બ્રહ્મણા કેશિના હરી ઉપ પ્ર યાહિ દધિષે ગભસ્ત્યોઃ ।
ઉત્ ત્વા સુતાસો રભસા અમન્દિષુઃ પૂષણ્વાન્ વજ્રિન્ સમ્ ઉ પત્ન્યામદઃ ॥