ઋગ્વેદ · અધ્યાય 1.080

ઇત્થા હિ સોમ ઇન્ મદે બ્રહ્મા ચકાર વર્ધનમ્ ।
શવિષ્ઠ વજ્રિન્ન્ ઓજસા પૃથિવ્યા નિઃ શશા અહિમ્ અર્ચન્ન્ અનુ સ્વરાજ્યમ્ ॥

સ ત્વામદદ્ વૃષા મદઃ સોમઃ શ્યેનાભૃતઃ સુતઃ ।
યેના વૃત્રં નિર્ અદ્ભ્યો જઘન્થ વજ્રિન્ન્ ઓજસાર્ચન્ન્ અનુ સ્વરાજ્યમ્ ॥

પ્રેહ્ય્ અભીહિ ધૃષ્ણુહિ ન તે વજ્રો નિ યંસતે ।
ઇન્દ્ર નૃમ્ણં હિ તે શવો હનો વૃત્રં જયા અપો ઽર્ચન્ન્ અનુ સ્વરાજ્યમ્ ॥

નિર્ ઇન્દ્ર ભૂમ્યા અધિ વૃત્રં જઘન્થ નિર્ દિવઃ ।
સૃજા મરુત્વતીર્ અવ જીવધન્યા ઇમા અપો ઽર્ચન્ન્ અનુ સ્વરાજ્યમ્ ॥

ઇન્દ્રો વૃત્રસ્ય દોધતઃ સાનું વજ્રેણ હીળિતઃ ।
અભિક્રમ્યાવ જિઘ્નતે ઽપઃ સર્માય ચોદયન્ન્ અર્ચન્ન્ અનુ સ્વરાજ્યમ્ ॥

અધિ સાનૌ નિ જિઘ્નતે વજ્રેણ શતપર્વણા ।
મન્દાન ઇન્દ્રો અન્ધસઃ સખિભ્યો ગાતુમ્ ઇચ્છત્ય્ અર્ચન્ન્ અનુ સ્વરાજ્યમ્ ॥

ઇન્દ્ર તુભ્યમ્ ઇદ્ અદ્રિવો ઽનુત્તં વજ્રિન્ વીર્યમ્ ।
યદ્ ધ ત્યમ્ માયિનમ્ મૃગં તમ્ ઉ ત્વમ્ માયયાવધીર્ અર્ચન્ન્ અનુ સ્વરાજ્યમ્ ॥

વિ તે વજ્રાસો અસ્થિરન્ નવતિં નાવ્યા3 અનુ ।
મહત્ ત ઇન્દ્ર વીર્યમ્ બાહ્વોસ્ તે બલં હિતમ્ અર્ચન્ન્ અનુ સ્વરાજ્યમ્ ॥

સહસ્રં સાકમ્ અર્ચત પરિ ષ્ટોભત વિંશતિઃ ।
શતૈનમ્ અન્વ્ અનોનવુર્ ઇન્દ્રાય બ્રહ્મોદ્યતમ્ અર્ચન્ન્ અનુ સ્વરાજ્યમ્ ॥

ઇન્દ્રો વૃત્રસ્ય તવિષીં નિર્ અહન્ સહસા સહઃ ।
મહત્ તદ્ અસ્ય પૌંસ્યં વૃત્રં જઘન્વાઁ અસૃજદ્ અર્ચન્ન્ અનુ સ્વરાજ્યમ્ ॥

ઇમે ચિત્ તવ મન્યવે વેપેતે ભિયસા મહી ।
યદ્ ઇન્દ્ર વજ્રિન્ન્ ઓજસા વૃત્રમ્ મરુત્વાઁ અવધીર્ અર્ચન્ન્ અનુ સ્વરાજ્યમ્ ॥

ન વેપસા ન તન્યતેન્દ્રં વૃત્રો વિ બીભયત્ ।
અભ્ય્ એનં વજ્ર આયસઃ સહસ્રભૃષ્ટિર્ આયતાર્ચન્ન્ અનુ સ્વરાજ્યમ્ ॥

યદ્ વૃત્રં તવ ચાશનિં વજ્રેણ સમયોધયઃ ।
અહિમ્ ઇન્દ્ર જિઘાંસતો દિવિ તે બદ્બધે શવો ઽર્ચન્ન્ અનુ સ્વરાજ્યમ્ ॥

અભિષ્ટને તે અદ્રિવો યત્ સ્થા જગચ્ ચ રેજતે ।
ત્વષ્ટા ચિત્ તવ મન્યવ ઇન્દ્ર વેવિજ્યતે ભિયાર્ચન્ન્ અનુ સ્વરાજ્યમ્ ॥

નહિ નુ યાદ્ અધીમસીન્દ્રં કો વીર્યા પરઃ ।
તસ્મિન્ નૃમ્ણમ્ ઉત ક્રતું દેવા ઓજાંસિ સં દધુર્ અર્ચન્ન્ અનુ સ્વરાજ્યમ્ ॥

યામ્ અથર્વા મનુષ્ પિતા દધ્યઙ્ ધિયમ્ અત્નત ।
તસ્મિન્ બ્રહ્માણિ પૂર્વથેન્દ્ર ઉક્થા સમ્ અગ્મતાર્ચન્ન્ અનુ સ્વરાજ્યમ્ ॥