ઋગ્વેદ · અધ્યાય 1.074

ઉપપ્રયન્તો અધ્વરમ્ મન્ત્રં વોચેમાગ્નયે ।
આરે અસ્મે ચ શૃણ્વતે ॥

યઃ સ્નીહિતીષુ પૂર્વ્યઃ સંજગ્માનાસુ કૃષ્ટિષુ ।
અરક્ષદ્ દાશુષે ગયમ્ ॥

ઉત બ્રુવન્તુ જન્તવ ઉદ્ અગ્નિર્ વૃત્રહાજનિ ।
ધનંજયો રણે-રણે ॥

યસ્ય દૂતો અસિ ક્ષયે વેષિ હવ્યાનિ વીતયે ।
દસ્મત્ કૃણોષ્ય્ અધ્વરમ્ ॥

તમ્ ઇત્ સુહવ્યમ્ અઙ્ગિરઃ સુદેવં સહસો યહો ।
જના આહુઃ સુબર્હિષમ્ ॥

આ ચ વહાસિ તાઁ ઇહ દેવાઁ ઉપ પ્રશસ્તયે ।
હવ્યા સુશ્ચન્દ્ર વીતયે ॥

ન યોર્ ઉપબ્દિર્ અશ્વ્યઃ શૃણ્વે રથસ્ય કચ્ ચન ।
યદ્ અગ્ને યાસિ દૂત્યમ્ ॥

ત્વોતો વાજ્ય્ અહ્રયો ઽભિ પૂર્વસ્માદ્ અપરઃ ।
પ્ર દાશ્વાઁ અગ્ને અસ્થાત્ ॥

ઉત દ્યુમત્ સુવીર્યમ્ બૃહદ્ અગ્ને વિવાસસિ ।
દેવેભ્યો દેવ દાશુષે ॥