ઋગ્વેદ · અધ્યાય 1.073

રયિર્ ન યઃ પિતૃવિત્તો વયોધાઃ સુપ્રણીતિશ્ ચિકિતુષો ન શાસુઃ ।
સ્યોનશીર્ અતિથિર્ ન પ્રીણાનો હોતેવ સદ્મ વિધતો વિ તારીત્ ॥

દેવો ન યઃ સવિતા સત્યમન્મા ક્રત્વા નિપાતિ વૃજનાનિ વિશ્વા ।
પુરુપ્રશસ્તો અમતિર્ ન સત્ય આત્મેવ શેવો દિધિષાય્યો ભૂત્ ॥

દેવો ન યઃ પૃથિવીં વિશ્વધાયા ઉપક્ષેતિ હિતમિત્રો ન રાજા ।
પુરઃસદઃ શર્મસદો ન વીરા અનવદ્યા પતિજુષ્ટેવ નારી ॥

તં ત્વા નરો દમ આ નિત્યમ્ ઇદ્ધમ્ અગ્ને સચન્ત ક્ષિતિષુ ધ્રુવાસુ ।
અધિ દ્યુમ્નં નિ દધુર્ ભૂર્ય્ અસ્મિન્ ભવા વિશ્વાયુર્ ધરુણો રયીણામ્ ॥

વિ પૃક્ષો અગ્ને મઘવાનો અશ્યુર્ વિ સૂરયો દદતો વિશ્વમ્ આયુઃ ।
સનેમ વાજં સમિથેષ્વ્ અર્યો ભાગં દેવેષુ શ્રવસે દધાનાઃ ॥

ઋતસ્ય હિ ધેનવો વાવશાનાઃ સ્મદૂધ્નીઃ પીપયન્ત દ્યુભક્તાઃ ।
પરાવતઃ સુમતિમ્ ભિક્ષમાણા વિ સિન્ધવઃ સમયા સસ્રુર્ અદ્રિમ્ ॥

ત્વે અગ્ને સુમતિમ્ ભિક્ષમાણા દિવિ શ્રવો દધિરે યજ્ઞિયાસઃ ।
નક્તા ચ ચક્રુર્ ઉષસા વિરૂપે કૃષ્ણં ચ વર્ણમ્ અરુણં ચ સં ધુઃ ॥

યાન્ રાયે મર્તાન્ સુષૂદો અગ્ને તે સ્યામ મઘવાનો વયં ચ ।
છાયેવ વિશ્વમ્ ભુવનં સિસક્ષ્ય્ આપપ્રિવાન્ રોદસી અન્તરિક્ષમ્ ॥

અર્વદ્ભિર્ અગ્ને અર્વતો નૃભિર્ નૄન્ વીરૈર્ વીરાન્ વનુયામા ત્વોતાઃ ।
ઈશાનાસઃ પિતૃવિત્તસ્ય રાયો વિ સૂરયઃ શતહિમા નો અશ્યુઃ ॥

એતા તે અગ્ન ઉચથાનિ વેધો જુષ્ટાનિ સન્તુ મનસે હૃદે ચ ।
શકેમ રાયઃ સુધુરો યમં તે ઽધિ શ્રવો દેવભક્તં દધાનાઃ ॥