ઋગ્વેદ · અધ્યાય 1.063

ત્વમ્ મહાઁ ઇન્દ્ર યો હ શુષ્મૈર્ દ્યાવા જજ્ઞાનઃ પૃથિવી અમે ધાઃ ।
યદ્ ધ તે વિશ્વા ગિરયશ્ ચિદ્ અભ્વા ભિયા દૃળ્હાસઃ કિરણા નૈજન્ ॥

આ યદ્ ધરી ઇન્દ્ર વિવ્રતા વેર્ આ તે વજ્રં જરિતા બાહ્વોર્ ધાત્ ।
યેનાવિહર્યતક્રતો અમિત્રાન્ પુર ઇષ્ણાસિ પુરુહૂત પૂર્વીઃ ॥

ત્વં સત્ય ઇન્દ્ર ધૃષ્ણુર્ એતાન્ ત્વમ્ ઋભુક્ષા નર્યસ્ ત્વં ષાટ્ ।
ત્વં શુષ્ણં વૃજને પૃક્ષ આણૌ યૂને કુત્સાય દ્યુમતે સચાહન્ ॥

ત્વં હ ત્યદ્ ઇન્દ્ર ચોદીઃ સખા વૃત્રં યદ્ વજ્રિન્ વૃષકર્મન્ન્ ઉભ્નાઃ ।
યદ્ ધ શૂર વૃષમણઃ પરાચૈર્ વિ દસ્યૂઁર્ યોનાવ્ અકૃતો વૃથાષાટ્ ॥

ત્વં હ ત્યદ્ ઇન્દ્રારિષણ્યન્ દૃળ્હસ્ય ચિન્ મર્તાનામ્ અજુષ્ટૌ ।
વ્ય્ અ1સ્મદ્ આ કાષ્ઠા અર્વતે વર્ ઘનેવ વજ્રિઞ્ છ્નથિહ્ય્ અમિત્રાન્ ॥

ત્વાં હ ત્યદ્ ઇન્દ્રાર્ણસાતૌ સ્વર્મીળ્હે નર આજા હવન્તે ।
તવ સ્વધાવ ઇયમ્ આ સમર્ય ઊતિર્ વાજેષ્વ્ અતસાય્યા ભૂત્ ॥

ત્વં હ ત્યદ્ ઇન્દ્ર સપ્ત યુધ્યન્ પુરો વજ્રિન્ પુરુકુત્સાય દર્દઃ ।
બર્હિર્ ન યત્ સુદાસે વૃથા વર્ગ્ અંહો રાજન્ વરિવઃ પૂરવે કઃ ॥

ત્વં ત્યાં ન ઇન્દ્ર દેવ ચિત્રામ્ ઇષમ્ આપો ન પીપયઃ પરિજ્મન્ ।
યયા શૂર પ્રત્ય્ અસ્મભ્યં યંસિ ત્મનમ્ ઊર્જં ન વિશ્વધ ક્ષરધ્યૈ ॥

અકારિ ત ઇન્દ્ર ગોતમેભિર્ બ્રહ્માણ્ય્ ઓક્તા નમસા હરિભ્યામ્ ।
સુપેશસં વાજમ્ આ ભરા નઃ પ્રાતર્ મક્ષૂ ધિયાવસુર્ જગમ્યાત્ ॥