ઋગ્વેદ · અધ્યાય 1.060

વહ્નિં યશસં વિદથસ્ય કેતું સુપ્રાવ્યં દૂતં સદ્યોઅર્થમ્ ।
દ્વિજન્માનં રયિમ્ ઇવ પ્રશસ્તં રાતિમ્ ભરદ્ ભૃગવે માતરિશ્વા ॥

અસ્ય શાસુર્ ઉભયાસઃ સચન્તે હવિષ્મન્ત ઉશિજો યે ચ મર્તાઃ ।
દિવશ્ ચિત્ પૂર્વો ન્ય્ અસાદિ હોતાપૃચ્છ્યો વિશ્પતિર્ વિક્ષુ વેધાઃ ॥

તં નવ્યસી હૃદ આ જાયમાનમ્ અસ્મત્ સુકીર્તિર્ મધુજિહ્વમ્ અશ્યાઃ ।
યમ્ ઋત્વિજો વૃજને માનુષાસઃ પ્રયસ્વન્ત આયવો જીજનન્ત ॥

ઉશિક્ પાવકો વસુર્ માનુષેષુ વરેણ્યો હોતાધાયિ વિક્ષુ ।
દમૂના ગૃહપતિર્ દમ આઁ અગ્નિર્ ભુવદ્ રયિપતી રયીણામ્ ॥

તં ત્વા વયમ્ પતિમ્ અગ્ને રયીણામ્ પ્ર શંસામો મતિભિર્ ગોતમાસઃ ।
આશું ન વાજમ્ભરમ્ મર્જયન્તઃ પ્રાતર્ મક્ષૂ ધિયાવસુર્ જગમ્યાત્ ॥