ઋગ્વેદ · અધ્યાય 1.056

એષ પ્ર પૂર્વીર્ અવ તસ્ય ચમ્રિષો ઽત્યો ન યોષામ્ ઉદ્ અયંસ્ત ભુર્વણિઃ ।
દક્ષમ્ મહે પાયયતે હિરણ્યયં રથમ્ આવૃત્યા હરિયોગમ્ ઋભ્વસમ્ ॥

તં ગૂર્તયો નેમન્નિષઃ પરીણસઃ સમુદ્રં ન સંચરણે સનિષ્યવઃ ।
પતિં દક્ષસ્ય વિદથસ્ય નૂ સહો ગિરિં ન વેના અધિ રોહ તેજસા ॥

સ તુર્વણિર્ મહાઁ અરેણુ પૌંસ્યે ગિરેર્ ભૃષ્ટિર્ ન ભ્રાજતે તુજા શવઃ ।
યેન શુષ્ણમ્ માયિનમ્ આયસો મદે દુધ્ર આભૂષુ રામયન્ નિ દામનિ ॥

દેવી યદિ તવિષી ત્વાવૃધોતય ઇન્દ્રં સિષક્ત્ય્ ઉષસં ન સૂર્યઃ ।
યો ધૃષ્ણુના શવસા બાધતે તમ ઇયર્તિ રેણુમ્ બૃહદ્ અર્હરિષ્વણિઃ ॥

વિ યત્ તિરો ધરુણમ્ અચ્યુતં રજો ઽતિષ્ઠિપો દિવ આતાસુ બર્હણા ।
સ્વર્મીળ્હે યન્ મદ ઇન્દ્ર હર્ષ્યાહન્ વૃત્રં નિર્ અપામ્ ઔબ્જો અર્ણવમ્ ॥

ત્વં દિવો ધરુણં ધિષ ઓજસા પૃથિવ્યા ઇન્દ્ર સદનેષુ માહિનઃ ।
ત્વં સુતસ્ય મદે અરિણા અપો વિ વૃત્રસ્ય સમયા પાષ્યારુજઃ ॥