ઋગ્વેદ · અધ્યાય 1.053

ન્ય્ ઊ3 ષુ વાચમ્ પ્ર મહે ભરામહે ગિર ઇન્દ્રાય સદને વિવસ્વતઃ ।
નૂ ચિદ્ ધિ રત્નં સસતામ્ ઇવાવિદન્ ન દુષ્ટુતિર્ દ્રવિણોદેષુ શસ્યતે ॥

દુરો અશ્વસ્ય દુર ઇન્દ્ર ગોર્ અસિ દુરો યવસ્ય વસુન ઇનસ્ પતિઃ ।
શિક્ષાનરઃ પ્રદિવો અકામકર્શનઃ સખા સખિભ્યસ્ તમ્ ઇદં ગૃણીમસિ ॥

શચીવ ઇન્દ્ર પુરુકૃદ્ દ્યુમત્તમ તવેદ્ ઇદમ્ અભિતશ્ ચેકિતે વસુ ।
અતઃ સંગૃભ્યાભિભૂત આ ભર મા ત્વાયતો જરિતુઃ કામમ્ ઊનયીઃ ॥

એભિર્ દ્યુભિઃ સુમના એભિર્ ઇન્દુભિર્ નિરુન્ધાનો અમતિં ગોભિર્ અશ્વિના ।
ઇન્દ્રેણ દસ્યું દરયન્ત ઇન્દુભિર્ યુતદ્વેષસઃ સમ્ ઇષા રભેમહિ ॥

સમ્ ઇન્દ્ર રાયા સમ્ ઇષા રભેમહિ સં વાજેભિઃ પુરુશ્ચન્દ્રૈર્ અભિદ્યુભિઃ ।
સં દેવ્યા પ્રમત્યા વીરશુષ્મયા ગોઅગ્રયાશ્વાવત્યા રભેમહિ ॥

તે ત્વા મદા અમદન્ તાનિ વૃષ્ણ્યા તે સોમાસો વૃત્રહત્યેષુ સત્પતે ।
યત્ કારવે દશ વૃત્રાણ્ય્ અપ્રતિ બર્હિષ્મતે નિ સહસ્રાણિ બર્હયઃ ॥

યુધા યુધમ્ ઉપ ઘેદ્ એષિ ધૃષ્ણુયા પુરા પુરં સમ્ ઇદં હંસ્ય્ ઓજસા ।
નમ્યા યદ્ ઇન્દ્ર સખ્યા પરાવતિ નિબર્હયો નમુચિં નામ માયિનમ્ ॥

ત્વં કરઞ્જમ્ ઉત પર્ણયં વધીસ્ તેજિષ્ઠયાતિથિગ્વસ્ય વર્તની ।
ત્વં શતા વઙ્ગૃદસ્યાભિનત્ પુરો ઽનાનુદઃ પરિષૂતા ઋજિશ્વના ॥

ત્વમ્ એતાઞ્ જનરાજ્ઞો દ્વિર્ દશાબન્ધુના સુશ્રવસોપજગ્મુષઃ ।
ષષ્ટિં સહસ્રા નવતિં નવ શ્રુતો નિ ચક્રેણ રથ્યા દુષ્પદાવૃણક્ ॥

ત્વમ્ આવિથ સુશ્રવસં તવોતિભિસ્ તવ ત્રામભિર્ ઇન્દ્ર તૂર્વયાણમ્ ।
ત્વમ્ અસ્મૈ કુત્સમ્ અતિથિગ્વમ્ આયુમ્ મહે રાજ્ઞે યૂને અરન્ધનાયઃ ॥

ય ઉદૃચીન્દ્ર દેવગોપાઃ સખાયસ્ તે શિવતમા અસામ ।
ત્વાં સ્તોષામ ત્વયા સુવીરા દ્રાઘીય આયુઃ પ્રતરં દધાનાઃ ॥