ઋગ્વેદ · અધ્યાય 1.044

અગ્ને વિવસ્વદ્ ઉષસશ્ ચિત્રં રાધો અમર્ત્ય ।
આ દાશુષે જાતવેદો વહા ત્વમ્ અદ્યા દેવાઁ ઉષર્બુધઃ ॥

જુષ્ટો હિ દૂતો અસિ હવ્યવાહનો ઽગ્ને રથીર્ અધ્વરાણામ્ ।
સજૂર્ અશ્વિભ્યામ્ ઉષસા સુવીર્યમ્ અસ્મે ધેહિ શ્રવો બૃહત્ ॥

અદ્યા દૂતં વૃણીમહે વસુમ્ અગ્નિમ્ પુરુપ્રિયમ્ ।
ધૂમકેતુમ્ ભાઋજીકં વ્યુષ્ટિષુ યજ્ઞાનામ્ અધ્વરશ્રિયમ્ ॥

શ્રેષ્ઠં યવિષ્ઠમ્ અતિથિં સ્વાહુતં જુષ્ટં જનાય દાશુષે ।
દેવાઁ અચ્છા યાતવે જાતવેદસમ્ અગ્નિમ્ ઈળે વ્યુષ્ટિષુ ॥

સ્તવિષ્યામિ ત્વામ્ અહં વિશ્વસ્યામૃત ભોજન ।
અગ્ને ત્રાતારમ્ અમૃતમ્ મિયેધ્ય યજિષ્ઠં હવ્યવાહન ॥

સુશંસો બોધિ ગૃણતે યવિષ્ઠ્ય મધુજિહ્વઃ સ્વાહુતઃ ।
પ્રસ્કણ્વસ્ય પ્રતિરન્ન્ આયુર્ જીવસે નમસ્યા દૈવ્યં જનમ્ ॥

હોતારં વિશ્વવેદસં સં હિ ત્વા વિશ ઇન્ધતે ।
સ આ વહ પુરુહૂત પ્રચેતસો ઽગ્ને દેવાઁ ઇહ દ્રવત્ ॥

સવિતારમ્ ઉષસમ્ અશ્વિના ભગમ્ અગ્નિં વ્યુષ્ટિષુ ક્ષપઃ ।
કણ્વાસસ્ ત્વા સુતસોમાસ ઇન્ધતે હવ્યવાહં સ્વધ્વર ॥

પતિર્ હ્ય્ અધ્વરાણામ્ અગ્ને દૂતો વિશામ્ અસિ ।
ઉષર્બુધ આ વહ સોમપીતયે દેવાઁ અદ્ય સ્વર્દૃશઃ ॥

અગ્ને પૂર્વા અનૂષસો વિભાવસો દીદેથ વિશ્વદર્શતઃ ।
અસિ ગ્રામેષ્વ્ અવિતા પુરોહિતો ઽસિ યજ્ઞેષુ માનુષઃ ॥

નિ ત્વા યજ્ઞસ્ય સાધનમ્ અગ્ને હોતારમ્ ઋત્વિજમ્ ।
મનુષ્વદ્ દેવ ધીમહિ પ્રચેતસં જીરં દૂતમ્ અમર્ત્યમ્ ॥

યદ્ દેવાનામ્ મિત્રમહઃ પુરોહિતો ઽન્તરો યાસિ દૂત્યમ્ ।
સિન્ધોર્ ઇવ પ્રસ્વનિતાસ ઊર્મયો ઽગ્નેર્ ભ્રાજન્તે અર્ચયઃ ॥

શ્રુધિ શ્રુત્કર્ણ વહ્નિભિર્ દેવૈર્ અગ્ને સયાવભિઃ ।
આ સીદન્તુ બર્હિષિ મિત્રો અર્યમા પ્રાતર્યાવાણો અધ્વરમ્ ॥

શૃણ્વન્તુ સ્તોમમ્ મરુતઃ સુદાનવો ઽગ્નિજિહ્વા ઋતાવૃધઃ ।
પિબતુ સોમં વરુણો ધૃતવ્રતો ઽશ્વિભ્યામ્ ઉષસા સજૂઃ ॥