ઋગ્વેદ · અધ્યાય 1.043

કદ્ રુદ્રાય પ્રચેતસે મીળ્હુષ્ટમાય તવ્યસે ।
વોચેમ શંતમં હૃદે ॥

યથા નો અદિતિઃ કરત્ પશ્વે નૃભ્યો યથા ગવે ।
યથા તોકાય રુદ્રિયમ્ ॥

યથા નો મિત્રો વરુણો યથા રુદ્રશ્ ચિકેતતિ ।
યથા વિશ્વે સજોષસઃ ॥

ગાથપતિમ્ મેધપતિં રુદ્રં જલાષભેષજમ્ ।
તચ્ છંયોઃ સુમ્નમ્ ઈમહે ॥

યઃ શુક્ર ઇવ સૂર્યો હિરણ્યમ્ ઇવ રોચતે ।
શ્રેષ્ઠો દેવાનાં વસુઃ ॥

શં નઃ કરત્ય્ અર્વતે સુગમ્ મેષાય મેષ્યે ।
નૃભ્યો નારિભ્યો ગવે ॥

અસ્મે સોમ શ્રિયમ્ અધિ નિ ધેહિ શતસ્ય નૃણામ્ ।
મહિ શ્રવસ્ તુવિનૃમ્ણમ્ ॥

મા નઃ સોમપરિબાધો મારાતયો જુહુરન્ત ।
આ ન ઇન્દો વાજે ભજ ॥

યાસ્ તે પ્રજા અમૃતસ્ય પરસ્મિન્ ધામન્ન્ ઋતસ્ય ।
મૂર્ધા નાભા સોમ વેન આભૂષન્તીઃ સોમ વેદઃ ॥