ઋગ્વેદ · અધ્યાય 1.036

પ્ર વો યહ્વમ્ પુરૂણાં વિશાં દેવયતીનામ્ ।
અગ્નિં સૂક્તેભિર્ વચોભિર્ ઈમહે યં સીમ્ ઇદ્ અન્ય ઈળતે ॥

જનાસો અગ્નિં દધિરે સહોવૃધં હવિષ્મન્તો વિધેમ તે ।
સ ત્વં નો અદ્ય સુમના ઇહાવિતા ભવા વાજેષુ સન્ત્ય ॥

પ્ર ત્વા દૂતં વૃણીમહે હોતારં વિશ્વવેદસમ્ ।
મહસ્ તે સતો વિ ચરન્ત્ય્ અર્ચયો દિવિ સ્પૃશન્તિ ભાનવઃ ॥

દેવાસસ્ ત્વા વરુણો મિત્રો અર્યમા સં દૂતમ્ પ્રત્નમ્ ઇન્ધતે ।
વિશ્વં સો અગ્ને જયતિ ત્વયા ધનં યસ્ તે દદાશ મર્ત્યઃ ॥

મન્દ્રો હોતા ગૃહપતિર્ અગ્ને દૂતો વિશામ્ અસિ ।
ત્વે વિશ્વા સંગતાનિ વ્રતા ધ્રુવા યાનિ દેવા અકૃણ્વત ॥

ત્વે ઇદ્ અગ્ને સુભગે યવિષ્ઠ્ય વિશ્વમ્ આ હૂયતે હવિઃ ।
સ ત્વં નો અદ્ય સુમના ઉતાપરં યક્ષિ દેવાન્ સુવીર્યા ॥

તં ઘેમ્ ઇત્થા નમસ્વિન ઉપ સ્વરાજમ્ આસતે ।
હોત્રાભિર્ અગ્નિમ્ મનુષઃ સમ્ ઇન્ધતે તિતિર્વાંસો અતિ સ્રિધઃ ॥

ઘ્નન્તો વૃત્રમ્ અતરન્ રોદસી અપ ઉરુ ક્ષયાય ચક્રિરે ।
ભુવત્ કણ્વે વૃષા દ્યુમ્ન્ય્ આહુતઃ ક્રન્દદ્ અશ્વો ગવિષ્ટિષુ ॥

સં સીદસ્વ મહાઁ અસિ શોચસ્વ દેવવીતમઃ ।
વિ ધૂમમ્ અગ્ને અરુષમ્ મિયેધ્ય સૃજ પ્રશસ્ત દર્શતમ્ ॥

યં ત્વા દેવાસો મનવે દધુર્ ઇહ યજિષ્ઠં હવ્યવાહન ।
યં કણ્વો મેધ્યાતિથિર્ ધનસ્પૃતં યં વૃષા યમ્ ઉપસ્તુતઃ ॥

યમ્ અગ્નિમ્ મેધ્યાતિથિઃ કણ્વ ઈધ ઋતાદ્ અધિ ।
તસ્ય પ્રેષો દીદિયુસ્ તમ્ ઇમા ઋચસ્ તમ્ અગ્નિં વર્ધયામસિ ॥

રાયસ્ પૂર્ધિ સ્વધાવો ઽસ્તિ હિ તે ઽગ્ને દેવેષ્વ્ આપ્યમ્ ।
ત્વં વાજસ્ય શ્રુત્યસ્ય રાજસિ સ નો મૃળ મહાઁ અસિ ॥

ઊર્ધ્વ ઊ ષુ ણ ઊતયે તિષ્ઠા દેવો ન સવિતા ।
ઊર્ધ્વો વાજસ્ય સનિતા યદ્ અઞ્જિભિર્ વાઘદ્ભિર્ વિહ્વયામહે ॥

ઊર્ધ્વો નઃ પાહ્ય્ અંહસો નિ કેતુના વિશ્વં સમ્ અત્રિણં દહ ।
કૃધી ન ઊર્ધ્વાઞ્ ચરથાય જીવસે વિદા દેવેષુ નો દુવઃ ॥

પાહિ નો અગ્ને રક્ષસઃ પાહિ ધૂર્તેર્ અરાવ્ણઃ ।
પાહિ રીષત ઉત વા જિઘાંસતો બૃહદ્ભાનો યવિષ્ઠ્ય ॥

ઘનેવ વિષ્વગ્ વિ જહ્ય્ અરાવ્ણસ્ તપુર્જમ્ભ યો અસ્મધ્રુક્ ।
યો મર્ત્યઃ શિશીતે અત્ય્ અક્તુભિર્ મા નઃ સ રિપુર્ ઈશત ॥

અગ્નિર્ વવ્ને સુવીર્યમ્ અગ્નિઃ કણ્વાય સૌભગમ્ ।
અગ્નિઃ પ્રાવન્ મિત્રોત મેધ્યાતિથિમ્ અગ્નિઃ સાતા ઉપસ્તુતમ્ ॥

અગ્નિના તુર્વશં યદુમ્ પરાવત ઉગ્રાદેવં હવામહે ।
અગ્નિર્ નયન્ નવવાસ્ત્વમ્ બૃહદ્રથં તુર્વીતિં દસ્યવે સહઃ ॥

નિ ત્વામ્ અગ્ને મનુર્ દધે જ્યોતિર્ જનાય શશ્વતે ।
દીદેથ કણ્વ ઋતજાત ઉક્ષિતો યં નમસ્યન્તિ કૃષ્ટયઃ ॥

ત્વેષાસો અગ્નેર્ અમવન્તો અર્ચયો ભીમાસો ન પ્રતીતયે ।
રક્ષસ્વિનઃ સદમ્ ઇદ્ યાતુમાવતો વિશ્વં સમ્ અત્રિણં દહ ॥