ઋગ્વેદ · અધ્યાય 1.034

ત્રિશ્ ચિન્ નો અદ્યા ભવતં નવેદસા વિભુર્ વાં યામ ઉત રાતિર્ અશ્વિના ।
યુવોર્ હિ યન્ત્રં હિમ્યેવ વાસસો ઽભ્યાયંસેન્યા ભવતમ્ મનીષિભિઃ ॥

ત્રયઃ પવયો મધુવાહને રથે સોમસ્ય વેનામ્ અનુ વિશ્વ ઇદ્ વિદુઃ ।
ત્રયઃ સ્કમ્ભાસઃ સ્કભિતાસ આરભે ત્રિર્ નક્તં યાથસ્ ત્રિર્ વ્ અશ્વિના દિવા ॥

સમાને અહન્ ત્રિર્ અવદ્યગોહના ત્રિર્ અદ્ય યજ્ઞમ્ મધુના મિમિક્ષતમ્ ।
ત્રિર્ વાજવતીર્ ઇષો અશ્વિના યુવં દોષા અસ્મભ્યમ્ ઉષસશ્ ચ પિન્વતમ્ ॥

ત્રિર્ વર્તિર્ યાતં ત્રિર્ અનુવ્રતે જને ત્રિઃ સુપ્રાવ્યે ત્રેધેવ શિક્ષતમ્ ।
ત્રિર્ નાન્દ્યં વહતમ્ અશ્વિના યુવં ત્રિઃ પૃક્ષો અસ્મે અક્ષરેવ પિન્વતમ્ ॥

ત્રિર્ નો રયિં વહતમ્ અશ્વિના યુવં ત્રિર્ દેવતાતા ત્રિર્ ઉતાવતં ધિયઃ ।
ત્રિઃ સૌભગત્વં ત્રિર્ ઉત શ્રવાંસિ નસ્ ત્રિષ્ઠં વાં સૂરે દુહિતા રુહદ્ રથમ્ ॥

ત્રિર્ નો અશ્વિના દિવ્યાનિ ભેષજા ત્રિઃ પાર્થિવાનિ ત્રિર્ ઉ દત્તમ્ અદ્ભ્યઃ ।
ઓમાનં શંયોર્ મમકાય સૂનવે ત્રિધાતુ શર્મ વહતં શુભસ્ પતી ॥

ત્રિર્ નો અશ્વિના યજતા દિવે-દિવે પરિ ત્રિધાતુ પૃથિવીમ્ અશાયતમ્ ।
તિસ્રો નાસત્યા રથ્યા પરાવત આત્મેવ વાતઃ સ્વસરાણિ ગચ્છતમ્ ॥

ત્રિર્ અશ્વિના સિન્ધુભિઃ સપ્તમાતૃભિસ્ ત્રય આહાવાસ્ ત્રેધા હવિષ્ કૃતમ્ ।
તિસ્રઃ પૃથિવીર્ ઉપરિ પ્રવા દિવો નાકં રક્ષેથે દ્યુભિર્ અક્તુભિર્ હિતમ્ ॥

ક્વ1 ત્રી ચક્રા ત્રિવૃતો રથસ્ય ક્વ1 ત્રયો વન્ધુરો યે સનીળાઃ ।
કદા યોગો વાજિનો રાસભસ્ય યેન યજ્ઞં નાસત્યોપયાથઃ ॥

આ નાસત્યા ગચ્છતં હૂયતે હવિર્ મધ્વઃ પિબતમ્ મધુપેભિર્ આસભિઃ ।
યુવોર્ હિ પૂર્વં સવિતોષસો રથમ્ ઋતાય ચિત્રં ઘૃતવન્તમ્ ઇષ્યતિ ॥

આ નાસત્યા ત્રિભિર્ એકાદશૈર્ ઇહ દેવેભિર્ યાતમ્ મધુપેયમ્ અશ્વિના ।
પ્રાયુસ્ તારિષ્ટં ની રપાંસિ મૃક્ષતં સેધતં દ્વેષો ભવતં સચાભુવા ॥

આ નો અશ્વિના ત્રિવૃતા રથેનાર્વાઞ્ચં રયિં વહતં સુવીરમ્ ।
શૃણ્વન્તા વામ્ અવસે જોહવીમિ વૃધે ચ નો ભવતં વાજસાતૌ ॥