ઋગ્વેદ · અધ્યાય 1.033

એતાયામોપ ગવ્યન્ત ઇન્દ્રમ્ અસ્માકં સુ પ્રમતિં વાવૃધાતિ ।
અનામૃણઃ કુવિદ્ આદ્ અસ્ય રાયો ગવાં કેતમ્ પરમ્ આવર્જતે નઃ ॥

ઉપેદ્ અહં ધનદામ્ અપ્રતીતં જુષ્ટાં ન શ્યેનો વસતિમ્ પતામિ ।
ઇન્દ્રં નમસ્યન્ન્ ઉપમેભિર્ અર્કૈર્ યઃ સ્તોતૃભ્યો હવ્યો અસ્તિ યામન્ ॥

નિ સર્વસેન ઇષુધીઁર્ અસક્ત સમ્ અર્યો ગા અજતિ યસ્ય વષ્ટિ ।
ચોષ્કૂયમાણ ઇન્દ્ર ભૂરિ વામમ્ મા પણિર્ ભૂર્ અસ્મદ્ અધિ પ્રવૃદ્ધ ॥

વધીર્ હિ દસ્યું ધનિનં ઘનેનઁ એકશ્ ચરન્ન્ ઉપશાકેભિર્ ઇન્દ્ર ।
ધનોર્ અધિ વિષુણક્ તે વ્ય્ આયન્ન્ અયજ્વાનઃ સનકાઃ પ્રેતિમ્ ઈયુઃ ॥

પરા ચિચ્ છીર્ષા વવૃજુસ્ ત ઇન્દ્રાયજ્વાનો યજ્વભિઃ સ્પર્ધમાનાઃ ।
પ્ર યદ્ દિવો હરિવઃ સ્થાતર્ ઉગ્ર નિર્ અવ્રતાઁ અધમો રોદસ્યોઃ ॥

અયુયુત્સન્ન્ અનવદ્યસ્ય સેનામ્ અયાતયન્ત ક્ષિતયો નવગ્વાઃ ।
વૃષાયુધો ન વધ્રયો નિરષ્ટાઃ પ્રવદ્ભિર્ ઇન્દ્રાચ્ ચિતયન્ત આયન્ ॥

ત્વમ્ એતાન્ રુદતો જક્ષતશ્ ચાયોધયો રજસ ઇન્દ્ર પારે ।
અવાદહો દિવ આ દસ્યુમ્ ઉચ્ચા પ્ર સુન્વતઃ સ્તુવતઃ શંસમ્ આવઃ ॥

ચક્રાણાસઃ પરીણહમ્ પૃથિવ્યા હિરણ્યેન મણિના શુમ્ભમાનાઃ ।
ન હિન્વાનાસસ્ તિતિરુસ્ ત ઇન્દ્રમ્ પરિ સ્પશો અદધાત્ સૂર્યેણ ॥

પરિ યદ્ ઇન્દ્ર રોદસી ઉભે અબુભોજીર્ મહિના વિશ્વતઃ સીમ્ ।
અમન્યમાનાઁ અભિ મન્યમાનૈર્ નિર્ બ્રહ્મભિર્ અધમો દસ્યુમ્ ઇન્દ્ર ॥

ન યે દિવઃ પૃથિવ્યા અન્તમ્ આપુર્ ન માયાભિર્ ધનદામ્ પર્યભૂવન્ ।
યુજં વજ્રં વૃષભશ્ ચક્ર ઇન્દ્રો નિર્ જ્યોતિષા તમસો ગા અદુક્ષત્ ॥

અનુ સ્વધામ્ અક્ષરન્ન્ આપો અસ્યાવર્ધત મધ્ય આ નાવ્યાનામ્ ।
સધ્રીચીનેન મનસા તમ્ ઇન્દ્ર ઓજિષ્ઠેન હન્મનાહન્ન્ અભિ દ્યૂન્ ॥

ન્ય્ આવિધ્યદ્ ઇલીબિશસ્ય દૃળ્હા વિ શૃઙ્ગિણમ્ અભિનચ્ છુષ્ણમ્ ઇન્દ્રઃ ।
યાવત્ તરો મઘવન્ યાવદ્ ઓજો વજ્રેણ શત્રુમ્ અવધીઃ પૃતન્યુમ્ ॥

અભિ સિધ્મો અજિગાદ્ અસ્ય શત્રૂન્ વિ તિગ્મેન વૃષભેણા પુરો ઽભેત્ ।
સં વજ્રેણાસૃજદ્ વૃત્રમ્ ઇન્દ્રઃ પ્ર સ્વામ્ મતિમ્ અતિરચ્ છાશદાનઃ ॥

આવઃ કુત્સમ્ ઇન્દ્ર યસ્મિઞ્ ચાકન્ પ્રાવો યુધ્યન્તં વૃષભં દશદ્યુમ્ ।
શફચ્યુતો રેણુર્ નક્ષત દ્યામ્ ઉચ્ છ્વૈત્રેયો નૃષાહ્યાય તસ્થૌ ॥

આવઃ શમં વૃષભં તુગ્ર્યાસુ ક્ષેત્રજેષે મઘવઞ્ છ્વિત્ર્યં ગામ્ ।
જ્યોક્ ચિદ્ અત્ર તસ્થિવાંસો અક્રઞ્ છત્રૂયતામ્ અધરા વેદનાકઃ ॥