ઋગ્વેદ · અધ્યાય 1.031

ત્વમ્ અગ્ને પ્રથમો અઙ્ગિરા ઋષિર્ દેવો દેવાનામ્ અભવઃ શિવઃ સખા ।
તવ વ્રતે કવયો વિદ્મનાપસો ઽજાયન્ત મરુતો ભ્રાજદૃષ્ટયઃ ॥

ત્વમ્ અગ્ને પ્રથમો અઙ્ગિરસ્તમઃ કવિર્ દેવાનામ્ પરિ ભૂષસિ વ્રતમ્ ।
વિભુર્ વિશ્વસ્મૈ ભુવનાય મેધિરો દ્વિમાતા શયુઃ કતિધા ચિદ્ આયવે ॥

ત્વમ્ અગ્ને પ્રથમો માતરિશ્વન આવિર્ ભવ સુક્રતૂયા વિવસ્વતે ।
અરેજેતાં રોદસી હોતૃવૂર્યે ઽસઘ્નોર્ ભારમ્ અયજો મહો વસો ॥

ત્વમ્ અગ્ને મનવે દ્યામ્ અવાશયઃ પુરૂરવસે સુકૃતે સુકૃત્તરઃ ।
શ્વાત્રેણ યત્ પિત્રોર્ મુચ્યસે પર્ય્ આ ત્વા પૂર્વમ્ અનયન્ન્ આપરમ્ પુનઃ ॥

ત્વમ્ અગ્ને વૃષભઃ પુષ્ટિવર્ધન ઉદ્યતસ્રુચે ભવસિ શ્રવાય્યઃ ।
ય આહુતિમ્ પરિ વેદા વષટ્કૃતિમ્ એકાયુર્ અગ્રે વિશ આવિવાસસિ ॥

ત્વમ્ અગ્ને વૃજિનવર્તનિં નરં સક્મન્ પિપર્ષિ વિદથે વિચર્ષણે ।
યઃ શૂરસાતા પરિતક્મ્યે ધને દભ્રેભિશ્ ચિત્ સમૃતા હંસિ ભૂયસઃ ॥

ત્વં તમ્ અગ્ને અમૃતત્વ ઉત્તમે મર્તં દધાસિ શ્રવસે દિવે-દિવે ।
યસ્ તાતૃષાણ ઉભયાય જન્મને મયઃ કૃણોષિ પ્રય આ ચ સૂરયે ॥

ત્વં નો અગ્ને સનયે ધનાનાં યશસં કારું કૃણુહિ સ્તવાનઃ ।
ઋધ્યામ કર્માપસા નવેન દેવૈર્ દ્યાવાપૃથિવી પ્રાવતં નઃ ॥

ત્વં નો અગ્ને પિત્રોર્ ઉપસ્થ આ દેવો દેવેષ્વ્ અનવદ્ય જાગૃવિઃ ।
તનૂકૃદ્ બોધિ પ્રમતિશ્ ચ કારવે ત્વં કલ્યાણ વસુ વિશ્વમ્ ઓપિષે ॥

ત્વમ્ અગ્ને પ્રમતિસ્ ત્વમ્ પિતાસિ નસ્ ત્વં વયસ્કૃત્ તવ જામયો વયમ્ ।
સં ત્વા રાયઃ શતિનઃ સં સહસ્રિણઃ સુવીરં યન્તિ વ્રતપામ્ અદાભ્ય ॥

ત્વામ્ અગ્ને પ્રથમમ્ આયુમ્ આયવે દેવા અકૃણ્વન્ નહુષસ્ય વિશ્પતિમ્ ।
ઇળામ્ અકૃણ્વન્ મનુષસ્ય શાસનીમ્ પિતુર્ યત્ પુત્રો મમકસ્ય જાયતે ॥

ત્વં નો અગ્ને તવ દેવ પાયુભિર્ મઘોનો રક્ષ તન્વશ્ ચ વન્દ્ય ।
ત્રાતા તોકસ્ય તનયે ગવામ્ અસ્ય્ અનિમેષં રક્ષમાણસ્ તવ વ્રતે ॥

ત્વમ્ અગ્ને યજ્યવે પાયુર્ અન્તરો ઽનિષઙ્ગાય ચતુરક્ષ ઇધ્યસે ।
યો રાતહવ્યો ઽવૃકાય ધાયસે કીરેશ્ ચિન્ મન્ત્રમ્ મનસા વનોષિ તમ્ ॥

ત્વમ્ અગ્ન ઉરુશંસાય વાઘતે સ્પાર્હં યદ્ રેક્ણઃ પરમં વનોષિ તત્ ।
આધ્રસ્ય ચિત્ પ્રમતિર્ ઉચ્યસે પિતા પ્ર પાકં શાસ્સિ પ્ર દિશો વિદુષ્ટરઃ ॥

ત્વમ્ અગ્ને પ્રયતદક્ષિણં નરં વર્મેવ સ્યૂતમ્ પરિ પાસિ વિશ્વતઃ ।
સ્વાદુક્ષદ્મા યો વસતૌ સ્યોનકૃજ્ જીવયાજં યજતે સોપમા દિવઃ ॥

ઇમામ્ અગ્ને શરણિમ્ મીમૃષો ન ઇમમ્ અધ્વાનં યમ્ અગામ દૂરાત્ ।
આપિઃ પિતા પ્રમતિઃ સોમ્યાનામ્ ભૃમિર્ અસ્ય્ ઋષિકૃન્ મર્ત્યાનામ્ ॥

મનુષ્વદ્ અગ્ને અઙ્ગિરસ્વદ્ અઙ્ગિરો યયાતિવત્ સદને પૂર્વવચ્ છુચે ।
અચ્છ યાહ્ય્ આ વહા દૈવ્યં જનમ્ આ સાદય બર્હિષિ યક્ષિ ચ પ્રિયમ્ ॥

એતેનાગ્ને બ્રહ્મણા વાવૃધસ્વ શક્તી વા યત્ તે ચકૃમા વિદા વા ।
ઉત પ્ર ણેષ્ય્ અભિ વસ્યો અસ્માન્ સં નઃ સૃજ સુમત્યા વાજવત્યા ॥