ઋગ્વેદ · અધ્યાય 1.026

વસિષ્વા હિ મિયેધ્ય વસ્ત્રાણ્ય્ ઊર્જામ્ પતે ।
સેમં નો અધ્વરં યજ ॥

નિ નો હોતા વરેણ્યઃ સદા યવિષ્ઠ મન્મભિઃ ।
અગ્ને દિવિત્મતા વચઃ ॥

આ હિ ષ્મા સૂનવે પિતાપિર્ યજત્ય્ આપયે ।
સખા સખ્યે વરેણ્યઃ ॥

આ નો બર્હી રિશાદસો વરુણો મિત્રો અર્યમા ।
સીદન્તુ મનુષો યથા ॥

પૂર્વ્ય હોતર્ અસ્ય નો મન્દસ્વ સખ્યસ્ય ચ ।
ઇમા ઉ ષુ શ્રુધી ગિરઃ ॥

યચ્ ચિદ્ ધિ શશ્વતા તના દેવં-દેવં યજામહે ।
ત્વે ઇદ્ ધૂયતે હવિઃ ॥

પ્રિયો નો અસ્તુ વિશ્પતિર્ હોતા મન્દ્રો વરેણ્યઃ ।
પ્રિયાઃ સ્વગ્નયો વયમ્ ॥

સ્વગ્નયો હિ વાર્યં દેવાસો દધિરે ચ નઃ ।
સ્વગ્નયો મનામહે ॥

અથા ન ઉભયેષામ્ અમૃત મર્ત્યાનામ્ ।
મિથઃ સન્તુ પ્રશસ્તયઃ ॥

વિશ્વેભિર્ અગ્ને અગ્નિભિર્ ઇમં યજ્ઞમ્ ઇદં વચઃ ।
ચનો ધાઃ સહસો યહો ॥