ઋગ્વેદ · અધ્યાય 1.023

તીવ્રાઃ સોમાસ આ ગહ્ય્ આશીર્વન્તઃ સુતા ઇમે ।
વાયો તાન્ પ્રસ્થિતાન્ પિબ ॥

ઉભા દેવા દિવિસ્પૃશેન્દ્રવાયૂ હવામહે ।
અસ્ય સોમસ્ય પીતયે ॥

ઇન્દ્રવાયૂ મનોજુવા વિપ્રા હવન્ત ઊતયે ।
સહસ્રાક્ષા ધિયસ્ પતી ॥

મિત્રં વયં હવામહે વરુણં સોમપીતયે ।
જજ્ઞાના પૂતદક્ષસા ॥

ઋતેન યાવ્ ઋતાવૃધાવ્ ઋતસ્ય જ્યોતિષસ્ પતી ।
તા મિત્રાવરુણા હુવે ॥

વરુણઃ પ્રાવિતા ભુવન્ મિત્રો વિશ્વાભિર્ ઊતિભિઃ ।
કરતાં નઃ સુરાધસઃ ॥

મરુત્વન્તં હવામહ ઇન્દ્રમ્ આ સોમપીતયે ।
સજૂર્ ગણેન તૃમ્પતુ ॥

ઇન્દ્રજ્યેષ્ઠા મરુદ્ગણા દેવાસઃ પૂષરાતયઃ ।
વિશ્વે મમ શ્રુતા હવમ્ ॥

હત વૃત્રં સુદાનવ ઇન્દ્રેણ સહસા યુજા ।
મા નો દુઃશંસ ઈશત ॥

વિશ્વાન્ દેવાન્ હવામહે મરુતઃ સોમપીતયે ।
ઉગ્રા હિ પૃશ્નિમાતરઃ ॥

જયતામ્ ઇવ તન્યતુર્ મરુતામ્ એતિ ધૃષ્ણુયા ।
યચ્ છુભં યાથના નરઃ ॥

હસ્કારાદ્ વિદ્યુતસ્ પર્ય્ અતો જાતા અવન્તુ નઃ ।
મરુતો મૃળયન્તુ નઃ ॥

આ પૂષઞ્ ચિત્રબર્હિષમ્ આઘૃણે ધરુણં દિવઃ ।
આજા નષ્ટં યથા પશુમ્ ॥

પૂષા રાજાનમ્ આઘૃણિર્ અપગૂળ્હં ગુહા હિતમ્ ।
અવિન્દચ્ ચિત્રબર્હિષમ્ ॥

ઉતો સ મહ્યમ્ ઇન્દુભિઃ ષડ્ યુક્તાઁ અનુસેષિધત્ ।
ગોભિર્ યવં ન ચર્કૃષત્ ॥

અમ્બયો યન્ત્ય્ અધ્વભિર્ જામયો અધ્વરીયતામ્ ।
પૃઞ્ચતીર્ મધુના પયઃ ॥

અમૂર્ યા ઉપ સૂર્યે યાભિર્ વા સૂર્યઃ સહ ।
તા નો હિન્વન્ત્વ્ અધ્વરમ્ ॥

અપો દેવીર્ ઉપ હ્વયે યત્ર ગાવઃ પિબન્તિ નઃ ।
સિન્ધુભ્યઃ કર્ત્વં હવિઃ ॥

અપ્સ્વ્ અ1ન્તર્ અમૃતમ્ અપ્સુ ભેષજમ્ અપામ્ ઉત પ્રશસ્તયે ।
દેવા ભવત વાજિનઃ ॥

અપ્સુ મે સોમો અબ્રવીદ્ અન્તર્ વિશ્વાનિ ભેષજા ।
અગ્નિં ચ વિશ્વશમ્ભુવમ્ આપશ્ ચ વિશ્વભેષજીઃ ॥

આપઃ પૃણીત ભેષજં વરૂથં તન્વે3 મમ ।
જ્યોક્ ચ સૂર્યં દૃશે ॥

ઇદમ્ આપઃ પ્ર વહત યત્ કિં ચ દુરિતમ્ મયિ ।
યદ્ વાહમ્ અભિદુદ્રોહ યદ્ વા શેપ ઉતાનૃતમ્ ॥

આપો અદ્યાન્વ્ અચારિષં રસેન સમ્ અગસ્મહિ ।
પયસ્વાન્ અગ્ન આ ગહિ તમ્ મા સં સૃજ વર્ચસા ॥

સમ્ માગ્ને વર્ચસા સૃજ સમ્ પ્રજયા સમ્ આયુષા ।
વિદ્યુર્ મે અસ્ય દેવા ઇન્દ્રો વિદ્યાત્ સહ ઋષિભિઃ ॥