ઋગ્વેદ · અધ્યાય 1.020

અયં દેવાય જન્મને સ્તોમો વિપ્રેભિર્ આસયા ।
અકારિ રત્નધાતમઃ ॥

ય ઇન્દ્રાય વચોયુજા તતક્ષુર્ મનસા હરી ।
શમીભિર્ યજ્ઞમ્ આશત ॥

તક્ષન્ નાસત્યાભ્યામ્ પરિજ્માનં સુખં રથમ્ ।
તક્ષન્ ધેનું સબર્દુઘામ્ ॥

યુવાના પિતરા પુનઃ સત્યમન્ત્રા ઋજૂયવઃ ।
ઋભવો વિષ્ટ્ય્ અક્રત ॥

સં વો મદાસો અગ્મતેન્દ્રેણ ચ મરુત્વતા ।
આદિત્યેભિશ્ ચ રાજભિઃ ॥

ઉત ત્યં ચમસં નવં ત્વષ્ટુર્ દેવસ્ય નિષ્કૃતમ્ ।
અકર્ત ચતુરઃ પુનઃ ॥

તે નો રત્નાનિ ધત્તન ત્રિર્ આ સાપ્તાનિ સુન્વતે ।
એકમ્-એકં સુશસ્તિભિઃ ॥

અધારયન્ત વહ્નયો ઽભજન્ત સુકૃત્યયા ।
ભાગં દેવેષુ યજ્ઞિયમ્ ॥