ઋગ્વેદ · અધ્યાય 1.021

ઇહેન્દ્રાગ્ની ઉપ હ્વયે તયોર્ ઇત્ સ્તોમમ્ ઉશ્મસિ ।
તા સોમં સોમપાતમા ॥

તા યજ્ઞેષુ પ્ર શંસતેન્દ્રાગ્ની શુમ્ભતા નરઃ ।
તા ગાયત્રેષુ ગાયત ॥

તા મિત્રસ્ય પ્રશસ્તય ઇન્દ્રાગ્ની તા હવામહે ।
સોમપા સોમપીતયે ॥

ઉગ્રા સન્તા હવામહ ઉપેદં સવનં સુતમ્ ।
ઇન્દ્રાગ્ની એહ ગચ્છતામ્ ॥

તા મહાન્તા સદસ્પતી ઇન્દ્રાગ્ની રક્ષ ઉબ્જતમ્ ।
અપ્રજાઃ સન્ત્વ્ અત્રિણઃ ॥

તેન સત્યેન જાગૃતમ્ અધિ પ્રચેતુને પદે ।
ઇન્દ્રાગ્ની શર્મ યચ્છતમ્ ॥