ઋગ્વેદ · અધ્યાય 1.006

યુઞ્જન્તિ બ્રધ્નમ્ અરુષં ચરન્તમ્ પરિ તસ્થુષઃ ।
રોચન્તે રોચના દિવિ ॥

યુઞ્જન્ત્ય્ અસ્ય કામ્યા હરી વિપક્ષસા રથે ।
શોણા ધૃષ્ણૂ નૃવાહસા ॥

કેતું કૃણ્વન્ન્ અકેતવે પેશો મર્યા અપેશસે ।
સમ્ ઉષદ્ભિર્ અજાયથાઃ ॥

આદ્ અહ સ્વધામ્ અનુ પુનર્ ગર્ભત્વમ્ એરિરે ।
દધાના નામ યજ્ઞિયમ્ ॥

વીળુ ચિદ્ આરુજત્નુભિર્ ગુહા ચિદ્ ઇન્દ્ર વહ્નિભિઃ ।
અવિન્દ ઉસ્રિયા અનુ ॥

દેવયન્તો યથા મતિમ્ અચ્છા વિદદ્વસું ગિરઃ ।
મહામ્ અનૂષત શ્રુતમ્ ॥

ઇન્દ્રેણ સં હિ દૃક્ષસે સંજગ્માનો અબિભ્યુષા ।
મન્દૂ સમાનવર્ચસા ॥

અનવદ્યૈર્ અભિદ્યુભિર્ મખઃ સહસ્વદ્ અર્ચતિ ।
ગણૈર્ ઇન્દ્રસ્ય કામ્યૈઃ ॥

અતઃ પરિજ્મન્ન્ આ ગહિ દિવો વા રોચનાદ્ અધિ ।
સમ્ અસ્મિન્ન્ ઋઞ્જતે ગિરઃ ॥

ઇતો વા સાતિમ્ ઈમહે દિવો વા પાર્થિવાદ્ અધિ ।
ઇન્દ્રમ્ મહો વા રજસઃ ॥